М.ГАНБОЛД: Модон бөмбөгийн тамирчид гольфын цохилтын техникийг ашигладаг болсон
“Мон-Алтиус” биеийн тамирын дээд сургуулийн багш, Азийн АШТ-ий хүрэл медальт, улсын шүүгч, ОУХМ М.Ганболд модон бөмбөгийг эх орондоо хөгжүүлэхэд үнэтэй хувь нэмэр оруулсан дасгалжуулагчдын нэг. Тэрбээр эрэгтэйчүүдийн шигшээ багийг бэлтгэл хийлгэж, олон улсын болон тив, дэлхийн тэмцээнд сойж, медалиас цөөнгүй атгуулсан. Тухайлбал, Тайваньд 2007 онд зохион байгуулсан Азийн АШТ модон бөмбөгийн V тэмцээнд эрэгтэй тоглогчдынхоо хамт 15 орны 150 тамирчинтай өрсөлдөж, хүрэл медаль анх удаа гардан, хойшид оролцох тамирчдадаа амжилтын жим гаргаж байв. Түүний удирдагад бэлтгэл базаасан эрэгтэйчүүдийн шигшээ багийнхан 2011, 2013, 2014, 2016, 2018, 2019, 2023 онд болсон тив, дэлхийн тэмцээнд бахдам амжилт үзүүлж, мөнгө, хүрэл медальтай эх орондоо ирсэн билээ.
2024-04-22
Л.ГАНБАТ: Монголын их амар амгалан, эв найрамдал, дипломат ёсны тухай өгүүлдгээрээ Өлзийт хааны захидал онцлогтой
Монгол, Франц төдийгүй дэлхий нийтэд энх тайвныг үүтгэсэн Өрнө, Дорнын хэлхээ холбоог илэрхийлэх нэн чухал түүхийн эх сурвалж бол Монголын Ил хаант улсын найм дахь хаан Өлзийтөөс 1305 онд Францын IV Луй Филипп хаанд илгээж байсан захидал юм. Уг захидлыг 700 гаруй жилийн дараа эх хувиар нь Монгол Улсад авчирч үр хойч бидний сонорыг мялаах нь. Энэ нь нийт 42 мөр, 908 үгтэй, гурван метр урт, 80 см өндөртэй, монгол бичгээр бичсэн, эв найрамдлыг эрэлхийлсэн агуулгатай захидал аж. Үүнтэй холбогдуулан ШУА-ийн Түүх, угсаатан зүйн хүрээлэнгийн эрдэм шинжилгээний ажилтан, Монголын эзэнт гүрэн, дундад зууны үеийн түүхийн салбарын эрхлэгч, доктор Л.Ганбаттай ярилцлаа.
2024-04-22
Х.Арита: Төр эхийн хэвлийн боловсролыг бодлогоор дэмжээсэй
Ярилцлагаа эхлүүлэхээс өмнө нэгэн сонирхолтой мэдээллийг хуваалцъя. Найман настай У.Итгэлсайхан анх тавтайдаа цээжээр нэмж, хасаж, үржүүлж, хувааж, тэгшитгэл бодож сурсан. У.Итгэлсайханы ахыг У.Ивээлсайхан гэдэг. Өдгөө 11 настай тэрбээр хятадаар чөлөөтэй ярьдаг, HSK V түвшинтэй. Их, дээд сургууль төгссөн зарим нэгнээс хавьгүй илүү тэрбээр найман насандаа IT программуудыг бие даан сурч, 600 гаруй код бичсэн. Энэ бүгдийг түүнд “youtube” багш заажээ. Өдгөө тэрбээр Python, HTML, C/C++, Javascript, Php хэл дээр ажилладаг. Тиймээс түүнд нэр хүндтэй томоохон компаниудаас цөөнгүй ажлын санал ирдэг. У.Ивээлсайхан монгол оюуныг дэлхийд гаргах том мөрөөдөлтэй. Үүнийхээ төлөө цагийн менежменттэйгээр шаргуу хөдөлмөрлөж буй. У.Итгэлсайхан, У.Ивээлсайхан нарыг өдий зэрэгт хүргэж, дэлхийн сэтгэлгээнд бие даалгаж суралцуулсан хүн бол тэдний ээж Х.Арита юм.
2024-04-17
Б.АМАРЗАЯА: Үндэсний номын санг нүүлгэж буй ажилтнуудын хяналт, хариуцлага маш чухал
Хуучны ховор ном, судар бичгийг зөв хадгалах талаар манайд байнга ярьдаг ч үндсэн стандарт байдаггүй аж. Орон нутгийн номын сангуудад л гэхэд зай талбай хүрэлцээгүйгээс ховор номуудыг өрөөний нэг буланд хураачих нь ч бий. Тэдгээр нь шороо, тоосонд дарагдан, дээврээс нь ус дуссанаас норж гэмтэх тохиолдол ч байдаг. Хүүхдийн төв номын санд л гэхэд 60 000 орчим ном агуулж буй тасалгааныхаа чийгшлийг савтай усаар л “тохируулж” буйг бид өмнө нь мэдээлсэн. Ажилтнууд нь “Ийм жишиг бусад улс оронд байхгүй” гэж байв.
2024-04-17
М.ТАМИР: Шавь нартаа амжилтаас илүү хүнлэг байхыг заадаг
Жүдо бөхийн спортын дэд мастер, “Гранд мастер-2024” УАШТ-ий алтан медальт М.Тамир үндэсний бөхөөр анх хичээллэж, сумын заан цол хүртэн тамирчны гараагаа эхлүүлж байжээ. Жиү жицүгийн бор бүстэй тэрбээр олон улсын тэмцээнд хүч сорихын зэрэгцээ “Эрхэс” клубийн дасгалжуулагчаар ажилладаг. Тухайлбал, БНСУ-д зохион байгуулсан “Soul international pro”, эх орондоо болсон“Ulaanbaatar international pro” тэмцээнээс тус бүр хошой мөнгөн медаль хүртэж, Бүх Солонгосын аваргашалгаруулах бүсний ангилалгүй жиү жицүгийн ноги тэмцээнээс хүрэл цом гардаж байв. Шагналын салхиа мөнгөн медалиар хагалсан тэрбээр өнгийг нь хувиргаж, өмнөд хөршийн Шанхайд болсон нээлттэй тэмцээнд түрүүлсэн бол Бээжинд болсон “AJP tour China national” тэмцээнд өрсөлдөн тэргүүн байрт шалгарсан юм. Түүнчлэн “Paiva cup international”-д тэргүүлэн, “Street jiu jitsu”, “Jager international jiu jitsu championship” олон улсын тэмцээнд хошой аваргаар тодорсон түүнийг зочноор урилаа.
2024-04-16
Б.ЭНХНАРАН: Дуулна гэдэг амьсгааны урлаг
Энэ цаг үеийн шилдэг дуурийн гоцлооч, ДБЭТ-ын дуучин Б.Энхнарантай ярилцлаа. Тэрбээр соёл урлагийн салбарын шилдгүүдийг тодруулдаг “Мөнгөн мод” наадмаас хос цом хүртээд буй анхны эмэгтэй уран бүтээлч юм.
2024-04-15
О.БЯМБА-ЭРДЭНЭ: Боксчид тулааны дэвжээнд шатар тоглохтой адил ухаан зарцуулдаг
Тухайлбал, тэрбээр Йорданы Амман хотод 2022 онд болсон Азийн АШТ-д 30 орны тамирчидтай өрсөлдөж, хүрэл медаль хүртэж байв. Олон улсын тэмцээнээс цөөнгүй медаль гардсан тэрбээр өнгөрсөн долоо хоногт Хандгайт дахь “Их тамир” цогцолборт зохион байгуулсан, олимпын эрхийн сорилго тэмцээнд ДАШТ-ий хүрэл медальт Б.Мишээлтийг хожиж, Тайландыг зорихоор болсон билээ. Тус улсын Бангкок хотод “Парис-2024” олимпын эрх олгох олон улсын тэмцээн ирэх сарын 23-наас зургаадугаар сарын 3 хүртэл үргэлжлэх юм.
2024-04-12
О.БАТНАЙРАМДАЛ: Намыг ойшоодоггүй хүмүүсийн хувьд миний сонголт хайран байж магадгүй
Монгол Улс түүхэндээ холимог тогтолцоогоор, анх удаа 126 гишүүнтэй парламент бүрдүүлэх гэж байна. Тогтолцооны хэмээн нэрлэж буй уг өөрчлөлтийг бүрэн хэрэгжүүлэхийн тулд парламентад нэр цэвэр, ёс зүйтэй, чадварлаг дүр төрхийг түлхүү сонгох хариуцлагатай цаг үе ирээд байгаа юм. Энэ удаа “Өнөөдөр” сонин сонгогчдынхоо боловсролд хувь нэмэр оруулж, мэдэх эрхийг ханган, УИХ-д сонгож болохуйц нэр цэвэр, мэргэжлийн, ёс зүйтэй, чадварлаг хүмүүсийг та бүхэнд танилцуулж байна. Тэдний үзэл бодол, туулсан зам, туршлага, мэдлэгийг харгалзаж хэнд төрийн жолоог атгуулахаа шийдэхэд тань тус болохыг зорилоо.
2024-04-11
С.НОМИН-ЭРДЭНЭ: Ээлжийн амралтаа хүлээлгүйгээр аялах боломж олон бий
Аялал бүр онцлогтой, дахин давтагдашгүй гоё мэдрэмжүүдийг өгдөг. “Travel cheap” аппликэйшний үүсгэн байгуулагч, “Хямд аялах аргаа заая” цахим хуудсыг хөтөлдөг С.Номин-Эрдэнэтэй цөөн хором ярилцлаа. Монголд төдийгүй гадаадын орнуудад хэрхэн хямд зардлаар, дурсамж дүүрэн аялах талаар түүнээс тодруулсан юм.
2024-04-09
Б.МӨНХСАЙХАН: Шилдэг тамирчид төрүүлэхийн тулд сайн дасгалжуулагчдыг бэлдэх шаардлагатай байна
“Монрей” клубийн дасгалжуулагч, ОУХМ Б.Мөнхсайхан удам дамжсан тамирчин. Түүний ээж Д.Оюунтуяа багш спортын гимнастикийн шигшээ багийн дасгалжуулагч. Охиноо дасгалжуулагч Э.Оргилмаагийн удирдлагад энэ спортоор хичээллүүлсэн ч хожим өөрийнхөө шавь болгож, олон улсын болон тивийн тэмцээнд оролцуулдаг болжээ. Б.Мөнхсайхан ОХУ-ын Москва хотод спортын гимнастикийн дасгалжуулагч мэргэжлээр суралцаж, өдгөө тамирчид дасгалжуулахын зэрэгцээ олон улсын шүүгчээр ажилладаг
2024-04-09
Ц.ЖАДАМБАА: АН-ын залуус ойлголцлын замаар, зөөлөн аргаар ажиллана
Монгол Улс түүхэндээ холимог тогтолцоогоор, анх удаа 126 гишүүнтэй парламент бүрдүүлэх гэж байна.Тогтолцооны хэмээн нэрлэж буй уг өөрчлөлтийг бүрэн хэрэгжүүлэхийн тулд парламентад нэр цэвэр, ёс зүйтэй, чадварлаг, шинэ дүр төрхийг түлхүү сонгох хариуцлагатай цаг үе ирээд буй юм. Энэ удаа “Өнөөдөр” сонин сонгогчдынхоо боловсролд хувь нэмэр оруулж, мэдэх эрхийг ханган, УИХ-д сонгож болохуйц нэр цэвэр, мэргэжлийн, ёс зүйтэй, чадварлаг хүмүүсийг та бүхэнд танилцуулж байна. Тэдний үзэл бодол, туулсан зам, туршлага, мэдлэгийг харгалзаж, хэнд төрийн жолоог атгуулахаа шийдэхэд тань тус болохыг зорилоо.
2024-04-08
А.ДУЛАМСҮРЭН: Сайн өрсөлдөгчтэй тамирчин илүү хөдөлмөрлөж, тэмүүлэлтэй амьдардаг
Хан-Уул дүүргийн 115 дугаар сургуулийн 12а ангийн сурагч, “Хилчин” спорт хорооны тамирчин, спортын мастер А.Дуламсүрэн жүдогоор хичээллэж, богино хугацаанд амжилт гаргаж буй. Түүнийг бэлтгэл хийхээр анх ирэхэд угтаж авсан багш нь Гавьяат тамирчин, дасгалжуулагч Х.Эрдэнэт-Од. Тэр цагаас багшийнхаа зөвлөснийг барилдаандаа хэрэгжүүлж, өөрийгөө дайчлан хичээсний үр дүнд өдгөө дотоод, гадаадын томоохон тэмцээнд хүч сорих болжээ
2024-04-05
Ө.ҮЛЭМЖТӨГС: Өөрийгөө сорихын тулд баримтат роман бичсэн
Триллер болон постпанк урсгалаар уран бүтээл туурвидгаараа уншигчдад танигдсан зохиолч, яруу найрагч Ө.Үлэмжтөгсийн хүүрнэл зохиолын дөрөв дэх бүтээл “5W1H” роман өнөөдөр нээлтээ хийх гэж байна. Эрэн сурвалжлах сэтгүүлчийн амьдрал, түүнд тохиолдох үйл явдлын талаар өгүүлэх энэхүү баримтат уран бүтээл нь гурамсан романы нэгдүгээр дэвтэр аж. Тэрбээр “Абсурд зүүдний хот” постмодерн роман, “Иргэншлээс оргох тасалбар” триллер өгүүллэгийн түүвэр, “Хийсвэр үг” яруу найргийн түүвэр, “Амьгүй биет” контемпорари жүжгийн зохиолыг уншигчдын хүртээл болгосон юм. Ингээд түүнтэй ярилцсанаа хүргэе.
2024-04-05
Ж.ЗОЛЗАЯА: Гадаадад эрдмийн зэрэг хамгаалахад тулгардаг гол бэрхшээл нь суурь судалгааны туршлага дутмаг байдал
Тайванийн үндэсний их сургуульд саяхан докторын зэргээ хамгаалсан Ж.Золзаяатай ярилцлаа. Тэрбээр докторын судалгаагаараа 2022 онд Остеоинтеграцын Азийн академийн 12 дахь удаагийн их хуралд II байр эзэлж, эх орныхоо нэрийг гаргасан билээ. Тухайн үед түүнтэй ярилцах санал тавихад “Судалгаагаа дөнгөж дуусгаад, бичих шатандаа явж байна. Хэвлүүлэхээсээ өмнө ярьж болдоггүй юм. Ажлынхаа ард гарсны дараа ярилцъя” хэмээн хойшлуулж байв. Харин өнгөрсөн сарын эхээр түүнээс баяртай мэдээ бүхий зурвас хүлээн авсан нь сургуулиа амжилттай төгсөж, эрдмийн зэргээ хамгаалсан тухай байлаа. Шинэхэн доктор юу өгүүлснийг уншигчидтайгаа хуваалцъя.
2024-04-04
Х.ОДБИЛЭГ: Монгол хүний амархан бууж өгдөггүй зан нь дартсын спортод дурлуулдаг
Х.Одбилэг тэмцээнд оролцохын зэрэгцээ шүүгчээр ажилладаг. БНСУ-д 2019 онд зохион байгуулсан “PDC Asian tour” тэмцээний үеэр өсвөр үеийн дартсын корпорацын (JDC) шүүгчийн сургалтад хамрагдаж, итгэмжлэгдсэн шүүгч болсон түүхтэй. Английн Бристол хотыг энэ онд зорьж, мөн сургалтад хамрагдсанаар “Academy coach” буюу багш дасгалжуулагч болсон юм. Ингээд тэрбээр 2022-2023 онд дараалан “JDC world darts junior cham¬pionship”-д өсвөр үеийн шигшээ багийнхныг ахлан оролцуулсан билээ.
2024-04-02
Б.БАТБИЛЭГ: Найз нараа инээлгэдэг байлаа гээд үзэгчдийг инээлгэж чадна гэсэн үг биш л дээ
Өнөөдөр Олон улсын инээдмийн баярын өдөр. Уг өдрийг тохиолдуулан энэ цагийн хамгийн алдартай, нэр бүхий комедиан, олон хүний танихгүй танил, “UB Comedy” клубийг үүсгэн байгуулагч Б.Батбилэгтэй ярилцлаа. Стэнд-ап комеди урлагийг эх орондоо нутагшуулсан түүний “UB Comedy” клуб энэ жил 10 нас хүрч байна. Тэрбээр олон нийтэд хэт нээлттэй, задгай ярьдаг хэмээн шүүмжлүүлдэг ч бусад хэвлэлд хөндөөгүй агуулга, яриагүй сэдэв үй олон байсан билээ. Ярилцлагын зарим хэсэгт зочин маань хошин чадвараа эелдгээр гайхуулж, уур амьсгалыг эерүүлж байлаа. Түүний ярилцлагад уншигч та бүхэн анхаарлаа хандуулна уу.
2024-04-01
Э.БАТМАГНАЙ: Цэнхэрийн халуун рашааныг түшиглэн дулааны цахилгаан станц барих боломжтой
Дэлхий нийтийн хэмжээнд сэргээгдэх эрчим хүч ашиглахыг чухалчлах болсон. Манай улсад ч эл жишгийг нэвтрүүлэхийг хичээж байна. ШУА-ийн Одон орон, геофизикийн хүрээлэнгийн Соронзон судлалын салбарын эрдэм шинжилгээний ажилтан, доктор Э.Батмагнай халуун рашааныг ашиглан дулааны цахилгаан станц барих боломжтойг тогтоожээ. Тэрбээр Цэнхэрийн халуун рашааны бүс нутагт хийсэн геофизикийн судалгаагаараа Швейцар улсын Цюрихийн Технологийн их сургуульд докторын зэрэг хамгаалсан байна. Тэрхүү станцаар Архангай аймгийн төвийг дулаанаар бүрэн хангах боломжтойг тогтоожээ. Судалгааных нь үр дүнгийн талаар түүнтэй ярилцлаа.
2024-04-01
