Хиймэл оюун ухаан хайлтын системийг “эзэлжээ”

Дэлхийн хэмжээнд цахим орчин дахь уламж­­лалт, тэр дундаа Google хайлтын сис­те­мийн хандалт эрс буурс­ныг Цахим хөгжил, ин­новац, харилцаа хол­бооны яамнаас мэдээл­лээ. Учир нь хэрэг­лэгчид хүссэн мэдээллээ оновч­той, шүүл­түүр­тэйгээр богино хугацаанд цуг­луулах боломж­той, хиймэл оюун ухаан (AI)-д суу­рил­сан хайлтын бусад системийг сон­гох болж. Үүний нэг нь ChatGPT бөгөөд монгол­чууд ч сүүлийн үед түгээмэл ашиглаж буй билээ. 
ChatGPT нь “OpenAI” компанийн 2022 оны сүүлчээр боловсруулсан хиймэл оюун ухаа­ны нэгэн загвар бөгөөд хүн төрөлхтний бүх хэ­лээр харилцах чадвартай чатбот гэдгээрээ онц­логтой. Generative pre-trained transformer (GPT) технологид суурилсан, гол үүрэг нь бич­гийн хэлний мэдээллийг ойлгож, харил­цан боловсруулж, хариулт өгөх. Тус ком­па­нийн­хан ChatGPT-гээр ажилладаг интернэт хайлтын функцийг нээлттэй болгосноор хэ­рэг­лэгчдэд хүссэн асуултдаа хариулт авах боломжийг бүрдүүлжээ. Тодруулбал, ChatGPT нь хэрэглэгчдэд хайсан мэдээллийг нь цуг­луулж өгөхдөө маш богино хугацаа зар­цуулах бөгөөд хариултыг цэгцтэй, сис­тем­тэй, холбогдох бүх эх сурвалжтай нь илгээд­гээрээ давуу талтай. Энэ нь харилцагч нарт тухайн мэдээллээ лавшруулан судлах бо­ломж олгодог байна. Тиймээс сонирхсон мэ­дээл­лээ ChatGPT-гээс хайхдаа асуултаа илүү нарийвчлалтай, ойлгомжтой бичиж илгээ­вэл тэр танд хамгийн боловсронгуй, товч тодорхой баримтыг хэдхэн секундийн до­тор гаргаж өгөх чадвартай. Өөрөөр хэлбэл, ChatGPT цахим орчин дахь нээлттэй бүх эх сурвал­жаас хэрэглэгчийн хайсан мэдээллийг шүүн, эмхэлж өгдөг учраас энэ төрлийн судалгааны ажлын хугацааг 50-80 хүртэлх ху­виар хэмнэх болжээ.
Интернэт хэрэглэгчид технологийн энэ мэт дэвшлийг дагаад сүүлийн үед улам залхуу болж буй тухай шүүмжлэл ч газар авсан. Ту­хайлбал, ресторан, үзвэр үйлчилгээ, зочид буудлын захиалга зэрэгт ChatGPT хайлтын сис­темийг хамгийн түгээмэл хэрэглэж буй гэсэн судалгаа гарчээ. Мөн түүгээр эсээ, шү­лэг бичүүлэх, ганцаардсан сэтгэлээ “ууд­лах” зэргээр ашиглах болсон нь ChatGPT-гийн оюун ухаан бусад чатботоос ялгаатай, яг л хүнийх шиг байдагтай нь холбоотой гэнэ.   Со­нирхуулахад, ChatGPT эхлээд тухайн хэ­рэг­лэгчийн хүссэн мэдээллийн холбоосыг ха­руулна. Шаардлагатай бол дараа нь нэ­мэлт мэдээлэл өгнө. Харин төлбөр төлсөн хэрэг­лэгч­дэдээ нарийвчилсан дуут горимоор дамжуулан бодит цагийн вэб шинэчлэлүүдэд хандах боломжийг олгодог байна. Энэхүү чатботын араас AI-д суурилсан, илүү хүчтэй, найдвартай “Perplexity” гэх технологи дэл­хийд эрчийг авч эхэлжээ. Энэ нь ChatGPT, “Google” хайлтыг хослуулсан гэдгээрээ да­вуу талтай аж.

О.Ундрах