Ч.Батчулуун залуучуудын аваргаар тодорлоо

Монголын авто мастеруудын холбооны Удир­дах зөвлөлөөс баталсан дүрмийн дагуу энэ онд залуу тамирчдад тус бүрд нь оноо ол­гож, шилдгүүдийг тод­руулахаар болсон. Залуу­чуу­дын аваргаар “Төмөрт хүлэг” клубийн тамир­чин, 107 дугаартай уралддаг Ч.Бат­чулуун 217 оноо­гоор тодорлоо. Өдгөө 20 нас­тай тэрбээр шилд­гээр шалгарсан тамирчдаас хам­гийн залуу нь. Түүнчлэн “VX motors LLC мастер кросс фи­нал-2024” уралдааны сүүлийн гараанд “Авар­гууд” клубийн тамирчин, 147 дугаартай Ц.Дашням за­луу­­­чуудын оноо (29)-гоор тэргүүлэв. Цуврал урал­даанд авсан онооны байдлаар сүүлийн хоёр гараанд да­раалж түрүүлсэн “VX motors” клу­бийн тамирчин, 36 ду­гаар­тай спортын мастер Л.Ариун­болд аварга болсон.
Энэ удаа SUV ангилалд хурд сорьсон тамирч­даас “Tоп3” багийг шалгаруулахад ОУХМ Ц.Бат­заяа, М.Энх-Амгалан нар I байр эзлэв. ОУХМ Ш.Ган­сүх, спор­тын мастер Ц.Гансүх нар II, спортын мастер О.Ууганбаяр, спортын дэд мас­тер С.Ганбат III байрт шал­гарсан юм. SSV ангилалд ОУХМ Ө.Бям­ба­дэлгэр, Б.Тэгш­дүүрэн нар тэргүүлж, дэд байрт ОУХМ А.Пү­рэв­дорж, Б.Сүх-Очир, гутгаарт Н.Шижир, Б.Хос­баяр нар тодорчээ.
Тэгвэл мотоциклын ангилалд спортын мастер Б.Ринчин, Б. Батмөнх, ОУХМ Б.Ган-Од нар бусдыгаа хошуучилж, эхний гурван байрт жагслаа. Авто спортын УАЗ ангиллын энэ онд зохион байгуулсан УАШТ-д 100 гаруй тамирчин өрсөлдсөнөөс 53 нь оноо хүртсэн. Тэднээс 68 дугаартай, ОУХМ Ш.Гомбодорж (180 оноо) аваргуудын жагсаалтыг тэргүүлэв.