Цаг агаарын аюултай үзэгдлийн давтамж дөрөв дахин нэмэгджээ

Улс орнуудыг үндэсний цаг уурын албаа ча­давх­жуулах, цаг агаар, уур амьс­галын аюул­тай үзэгдлээс сэргийлэх сис­темийг нутаг­шуу­лахад онцгой анхаарах шаард­лага­тайг Дэлхийн цаг уурын байгууллага (WMO)-аас дахин анхаарууллаа. Учир нь сүү­лийн жилүүдэд агаарын дундаж тем­пе­ратур түүхэн үзүүлэлт буюу аж үйлдвэр­жил­тийн өмнөх үеийн түвшнийг давах болсноос хэт халж, үер, зуд, ган гачиг, ой, хээрийн түймэр, хүчтэй салхи, шуурга, аянга цахилгаан зэрэг аюултай, эрс тэс үзэгдлийн давтамж нэмэгджээ. 1970-аад оны үед дэлхий дахинд жилд дунджаар их хэмжээний хор хохирол учруулсан, эрс аюултай гэж хэлж болохуйц 100 гаруй үзэгдэл бүртгэгддэг байсан бол 2020-2023 онд энэ нь 400 болж өссөн байна. Аюулт үзэгдлийн давтамж дөрөв дахин нэмэгдсэн гэсэн үг. Иймд дэлхий нийтээр, ялангуяа хөгжиж буй орнууд эрт мэдээлэх системийг нутагшуулж, хөгжүүлэн болзошгүй аюул эрсдэлээс сэр­гийлэх шаардлагатай гэв. 
Одоогоор нийт улсын 55 хувь нь буюу 108  орон эрт сэрэмжлүүлэх системийг ну­таг­­­шуулсан гэж Дэлхийн цаг уурын бай­гуул­­­лагаас мэдээлээд буй. Харин НҮБ-ын Гамш­­­гийн эрсдэлийг бууруулах албанаас мэ­дээлс­нээр өдгөө дэлхийн хүн амын тэн хагас буюу дөрвөн тэрбум орчим хүн ийм систем нэвт­рүүлсэн бүс нутагт амьдарч байгаа гэнэ.

Ж.Сувд