Ерөнхийлөгч У.Хүрэлсүх Туркменистан Улсад төрийн айлчлал хийлээ
Монгол Улсын Ерөнхийлөгч У.Хүрэлсүх Туркменистан Улсад төрийн айлчлал хийгээд ирлээ. Айлчлалын эхний өдөр “Цаг үе, соёл иргэншлийн хэлхээ холбоо-энх тайван, хөгжлийн үндэс суурь” олон улсын форумд хүндэт зочноор оролцов. Тус форумд ОХУ-ын Ерөнхийлөгч В.Путин, Ираны Ерөнхийлөгч Масуд Пезешкян болон Пакистан, Узбекистан, Киргиз зэрэг орны Төрийн тэргүүнүүд уригдан оролцсон юм. Энэ үеэр тэрбээр анхаарал татсан олон чухал тунхаглал, санааг хэлсэн бөгөөд энхийг эрхэмлэсэн, нээлттэй, бие даасан, олон тулгуурт гадаад бодлогоо дахин тодотгон тодорхойлж чадлаа.
2024-10-14
Сонгуулийн дүн гарлаа
Урьдчилсан дүнгээр НИТХ-ын 45 мандатын 40-ыг МАН, тавыг АН авав. Харин Увс, Завхан, Баянхонгор, Хөвсгөл, Өвөрхангай, Булган, Дорноговь, Дорнод, Дундговь, Архангай, Орхон, Дархан-Уул, Сэлэнгэ, Говьсүмбэр гэсэн аймгийн ИТХ-д МАН-ын нэр дэвшигчид олонх боллоо. Баян-Өлгий, Ховд, Өмнөговь, Төв, Сүхбаатар аймагт АН-ын нэр дэвшигчид олонх болж чаджээ.
2024-10-12
Сонгуулийн санал хураалт хаагдлаа
Улсын хэмжээнд 53.2 хувийн ирцтэйгээр санал хураалт дуусаж хаагдлаа. Санал хураалтаар Чингэлтэй дүүргийн ирц хамгийн бага байжээ
2024-10-11
Нийт сонгогчдын 1.146.158 нь орон нутаг, 1.102.278 нь нийслэлийнх
Аймаг, нийслэл, сум, дүүргийн ИТХ-ын 2024 оны ээлжит сонгуулийн санал хураалт албан ёсоор 7:00 цагт эхэллээ. Сонгогчийн нэрийн жагсаалтад бүртгэлтэй 2.246.164 иргэн өнөөдөр саналаа өгнө. Нийт сонгогчдын 1.146.158 нь орон нутагт, 1.102.278 нь нийслэлийн сонгогч юм.
2024-10-11
Л.Оюун-Эрдэнийн “шинэ 30 жил” хэзээ эхлэх юм бэ
2024 оны наймдугаар сарын 16. “Шинэ парламент бүрдэж, шинэ 30 жил эхэлж байна. Цоо шинэ хандлага бүхий шинэ мянганы залуус хаалга тогшиж байгааг мэдэрч, өөрчлөлтийн манлайлал биднээс, энэ танхимаас эхлэх ёстой. Шинэ 30 жил бол тэднийх юм. Цагийн зүү буцаж эргэдэггүй ээ. Эргэх ч ёсгүй”. УИХ-ын ес дэх удаагийн сонгуулийн дараа байгуулсан хамтарсан Засгийн газрын тэргүүн Л.Оюун-Эрдэнэ уянгын халил, уран зөгнөл нь хэтэрчихсэн эдгээр үгийг хэлж, “шинэ 30 жил” хэмээх суртал ухуулгын шинэ он тоолол эхлүүлснээ чуулганы индрээс ийнхүү тунхаглав.
2024-10-09
Ажиллах хүчний “дөнгө”-тэй мега төслүүд
2024 оны парламентын ес дэх удаагийн сонгуулийн үр дүнд бий болсон хамтарсан Засгийн газар бүрэн эрхийнхээ хугацаанд хэрэгжүүлэх ажлынхаа “цэс”-ийг олон нийтэд танилцуулаад байна. Үүнийхээ тэргүүнд өөрсдийн “нэрийн бүтээгдэхүүн” хэмээн тодотгосон 14 ажлыг эрэмбэлээд буй. Эдгээрийн ихэнх нь монголчуудад эчнээ танил болсон, хэрэгжүүлэх талаар яриад багагүй хугацаа өнгөрсөн, эхлүүлэх нэрийдлээр чамлахааргүй хэмжээний хөрөнгө мөнгө зарцуулсан ажил байгаа юм. Өөрөөр хэлбэл, бүгд шинэ санаачилга биш гэсэн үг.
2024-10-09
Нийслэлд гурван хоног архи, согтууруулах ундаа худалдахгүй
Аймаг, нийслэл, сум дүүргийн ИТХ-ын сонгуулийн санал авах, хяналтын тооллого хийхтэй холбогдуулан Нийслэлийн нутаг дэвсгэрт 2024 оны 10 дугаар сарын 10, 11, 12-ны өдрийг дуусталх хугацаанд согтууруулах ундаа худалдах , түүгээр үйлчлэхгүй. Хуульд заасны дагуу санал авах өдөр согтууруулах ундаагаар үйлчлэх, худалдах, соёл урлаг, үзвэр, спортын зэрэг олныг хамарсан аливаа арга хэмжээ зохион байгуулахыг хориглох бөгөөд гадаа болон битүү талбайд үйл ажиллагаа явуулдаг худалдаа, үйлчилгээний төвүүд ажиллахгүй.
2024-10-08
Анхны 126 гишүүнтэй парламентыг “стратегич”-аар удирдуулсан нь
Монгол Улсын ес дэх парламент бүрдэж, анхны 126 гишүүн тангаргаа өргөөд удаагүй байна. Дөрвөн нам, нэг эвслийн төлөөллөөс бүрдсэн эл парламентад иргэд биднийг хэн хэн төлөөлж байна вэ. Ардчилсан засаглалыг бэхжүүлэх, нийгэм, эдийн засгийн амьдралд хөгжил дэвшил авчрах үүрэг, зорилгоо биелүүлэх нөөц боломж, туршлага тэдэнд бий юү. Эдгээр асуултад хариулт өгч, иргэдийн мэдэх эрхийг хангах үүднээс “Өнөөдөр” сонин “126-гийн нэг” булан нээгээд байна. Энэ удаагийн парламентын 126 гишүүний 80 нь анх удаа сонгогдсон. Мөн түүхэндээ хамгийн олон эмэгтэй гишүүнтэй парламент гэхчлэн олон тодотголтой билээ. Парламентад иргэдийг хэн хэн төлөөлж байгааг бид цувралаар танилцуулах болно.
2024-10-07
Сайд нарын эрэлд гарав
УИХ-ын анхны намрын чуулган өнгөрсөн долоо хоногт эхлэв. Уг чуулганаар ирэх жилийн улсын төсөв, төлөвлөгөөг хэлэлцэн баталдаг хуультай. Үүний дагуу Засгийн газраас өргөн барьсан улсын 2025 оны төсөв, түүнтэй холбогдох хууль, тогтоомжууд, мөн Монгол Улсын хөгжлийн 2025 оны төлөвлөгөө батлах тухай УИХ-ын тогтоолын төслийг хэлэлцэж буй юм.
2024-10-07
Ирэх оны хөгжлийн төлөвлөгөөг хэлэлцэв
УИХ-ын ээлжит чуулганы пүрэв гаргийн нэгдсэн хуралдаанаар Монгол Улсын хөгжлийн 2025 оны төлөвлөгөө батлах тухай УИХ-ын тогтоолын төслийн эхний хэлэлцүүлгийг хийлээ. Чуулганы ирц 80.2 хувьтай, гишүүдийн асуултад хариулах үүрэгтэй зарим сайд, холбогдох албаны хүмүүс хуралдаанд оролцсонгүй. Засгийн газрын өргөн мэдүүлсэн, тэдний тодорхойлсон төсөл, төлөвлөгөөг хэлэлцэж буй тул гишүүдийн асуултад хариулах албаны хүмүүс УИХ-ын чуулганд хүндэтгэлгүй хандах явдал давтагдвал энэ асуудлыг хэлэлцэхээ хойшлуулахад хүрнэ гэдгийг УИХ-ын дарга анхааруулав.
2024-10-04
“Царцаа” нүүлгэж, самбартай тэмцэгчид
Аймаг, нийслэл, сум, дүүргийн ИТХ-ын сонгуулийн сурталчилгаа үргэлжилж байна. Уг нь байх ёсгүй ч нийтлэг болчихсон зөрчил, будилаан ч өрнөж буй. Манай УИХ-ын зарим гишүүний улирч сонгогдох үндсэн аргуудынх нь нэгийг орон нутгийн сонгуульд хэрэглэсээр байгаа аж. Түрүүчээсээ үр дүнг нь хэдэн сонгуулиар баталчихсан уг арга нь “царцаа” нүүлгэх.
2024-10-04
