Канадын Ричмонд хотын далайн эргийн ойролцоо нэгэн бяцхан охин руу далайн арслан дайрч сандаргасан хэрэг гарчээ. Бяцхан охин далайн арслан хараад баярлаж, хөөрсөн бөгөөд түүнийг дайрах үеэр ажиг сэжиггүй байснаар зэрлэг амьтны хоол болохоо шахсан байна. Далайн арсланг дайрах үеэр гэр бүлийнхэн нь бүгд шоконд орсон бол нэр нь үл мэдэгдсэн ази гаралтай эр бяцхан охиныг аварч, баатар болсон байна.
Энэ талаар зэрлэг ан амьтан судлах албаны ажилтан Андрю Тритес "Хүмүүс зэрлэг ан амьтадтай болгоомжгүй харьцдагт би их гайхдаг. Бичлэг дээрх далайн арслан эрэгчин бөгөөд Калифорниагийн далайн арслан гэдгээрээ ижил төрлийн амьтадаас ялгардаг. Тэд маш хүчирхэг амьтад. Циркийн жүжигчид биш, бас тэд хүмүүстэй хэрхэн харилцах вэ гэдэгт огт суралцаагүй зэрлэг амьтад гэдгийг мартаж болохгүй" гэж ярьжээ.
Калифорниагийн далайн арслан Хойд Америкийн баруун эрэг дагуу амьдардаг. Нас биед гүйцсэн эрэгчин далайн арслан 300 кг хүрдэг, 2.4 м урт юм. Тэд 17 хүртэл насалдаг бөгөөд аливаа зүйлийг түргэн сурах чадвартай тул цирк болон үзүүлбэрт их ашигладаг билээ.
