Англи улсад зохион байгуулсан снүүкер биллиардын “World women’s masters-2024” тэмцээнд манай улсаас тив, дэлхийн хүрэл медальт, ОУХМ Б.Нарантуяа оролцож, дэлхийн шилдгүүдтэй өрсөлдсөн. Тэрбээр шигшээ 16-д шалгарснаар тэмцээнээ өндөрлүүлсэн байна. Дээрх тэмцээний дараа болсон “Challenge сup”-д тоглохдоо Б.Нарантуяа өрсөлдөгчдөө хожиж, аваргын цом өргөв. Манай тамирчин одоогоор амжилтынхаа чансаагаар дэлхийд 12-т эрэмбэлэгдэж байгаа.
Ташрамд дуулгахад, Энэтхэг улсад энэ сарын 25-нд эхэлсэн 19 хүртэлх насныхны хэйболл биллиардын өсвөр үеийнхний ДАШТ-д 25 орны эрэгтэй 40, эмэгтэй 13 тамирчин өрсөлдөж буй. Маргааш өндөрлөх тус тэмцээнд Монголоос Б.Баттулга (15), Б.Ууганбат (12), Ч.Анхжаргал (12 нас) нар оролцож байна.
