“I want it that way”, “Quit playing games”, “Larger than life”, “Shape of my heart” зэрэг хит дуугаараа олон улсад нэрд гарсан “Backstreet boys” хамтлагийнхан Монголд ирнэ гэх мэдээлэл сүүлийн үед цахим орчинд түгэх болсон. Эл хамтлагийг “BRB agency” компанийнхан авчрахаар төлөвлөж буй гэнэ. Тус хамтлагийнхан Монголд хэзээ ирэх, хаана тоглолтоо хийх талаар дээрх байгууллагынхнаас тодруулахад “Алдарт “Backstreet boys” хамтлагийнхныг Монголд авчрах ажил өдгөө хэлэлцээрийн шатандаа явж буй.
Тиймээс хэзээ, хаана тоглох, тасалбарын үнэ хэд байх талаар одоохондоо мэдээлэл өгөх боломжгүй. Олон улсын өндөр зэрэглэлтэй хамтлаг учраас Монголд тоглуулахад тодорхой хэмжээний шаардлага тавьдаг юм байна. Иймд бид гэрээний шаардлагыг биелүүлэхээр ажиллаж байгаа” гэсэн юм.
У.ЦЭЦЭГ
