Найруулагч Б.Золжаргалын “Баавгай болохсон” бүтээлийг “Qatar аirways”, “Lufthansa”, “United аirlines”, “British аirways” зэрэг авиа компанийн дэлгэцнээ гаргаж эхэлжээ. Өөрөөр хэлбэл, агаарын тээврээр зорчигчид дээрх компаниудын кино цэсийн Ази бүтээлүүд дундаас “Баавгай болохсон”-ыг сонгон үзэх боломж бүрдсэн байна. Өнгөрөгч дөрөвдүгээр сард Монголд нээлтээ хийсэн уг киног АНУ, Франц, Швейцар, Ирланд, Их Британийн кино театрт гаргасан юм.
Мөн ирэх гуравдугаар сараас Испанийн кинотеатруудад гаргахаар болжээ. Түүнчлэн ирэх онд Монголын IPTV-ийн кино санд нэмэгдэх аж. Кино урлагийн өнөөгийн чиг хандлага, шагнал гардуулах үйл явц, кино шүүмжийн талаарх мэдээг хуваалцдаг “Кinotico” болон “Danimmantilla” зэрэг цахим хуудасныхан “Баавгай болохсон” киног 2025 онд “Оскар”-т нэр дэвших боломжтой хэмээн онцолсон байна.
У.ЦЭЦЭГ
