Монголд өнгөрсөн нэгдүгээр сараас эхлэн авто спортын “Ice drift-2024” дөрвөн цуврал тэмцээн болсон. Тус тэмцээнд оролцсон тамирчдаас нийт цуглуулсан оноогоор тэргүүн байрт “Дархан дрифт” клубийн 77 дугаартай С.Мягмарсүрэн (600 оноо) шалгарав. Түүний ард 570 оноогоор “I drift” клубийн тамирчин, 11 дугаартай А.Наранбаатар бичигджээ. 512 оноогоор мөн “Дархан дрифт” клубийн тамирчин, хоёр дугаартай Г.Очирлхагва III байр эзэллээ.
Тэгвэл “Mongolian drift series” ангилалд 33 тамирчин таван цуврал тэмцээнд өрсөлдсөнөөс хамгийн өндөр оноо (943) цуглуулсан “VIP аuto” клубийн тамирчин, нэг дугаартай О.Өсөхбаяр 2024 оны улсын аваргаар тодорлоо. Аварга болсон тамирчинтай эн тэнцүүхэн өрсөлдсөн “Drift masters” клубийн 13 дугаартай Г.Билэгсайхан 815 оноогоор II, “V6” клубийн долоо дугаартай, улсын аварга Б.Ариунбат 709 оноогоор III байрт оров.
