Өнөөдрийн тухай таны мэдэх ёстой 16 зүйл: Ам.долларын ханш бууж эхэллээ

5 дугаар сарын 04-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 124 дахь өдөр бөгөөд он дуусахад 241 хоног үлдлээ.
2. Цаг агаар өдөртөө 3 хэмийн дулаан бол шөнөдөө -4 градус хүйтэн байх нь ээ. Шөнөдөө бага зэргийн хур тунадас орох гэнэ.
3. Билгийн тооллын 9, дөрвөн ногоон мэнгэтэй цагаагчин туулай өдөр. Өнөөдөр үсээ авахуулах буюу засуулбал өвчин өчүүхэн ирэх гэнэ. Энэ өдөр гахай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2419.00 төгрөгтэй тэнцэж байгаа бол бусад валют болох рубль 43.00, юань 351.00, вон 2.13 төгрөг байна.

Өнөөдөр болох онцлох үйл явдлууд: 

1. 10.00 цагт НМХГ-ын хурлын танхимд шингэрүүлсэн шатдаг хийн тээвэрлэлтийн аюулгүй байдал сургалт хэлэлцүүлэг хийнэ.
2. ЕБС-ын сурагчдын дунд зохиогддог улсын 11 дүгээр олимпиадын шалгаруулалт 10.00 цагаас Хүүхдийн төв номын сан дээр болно.
3. 14.00 цагт Үндэсний номын сангийн Эрдэм шинжилгээний уншлагын танхимд "Үндэсний бичиг үсэг - Тусгаар тогтнолын баталгаа” сэдэвт эрдэм шинжилгээ, онол практикийн бага хурал болно.
4. 11.00 цагаас Нийслэлийн Авто замын хөгжлийн газар, Нийтийн Тээврийн газрын хамтарсан “Нээлттэй хаалганы өдөрлөг” Сүхбаатарын талбайд болно.
5. МХЕГ-аас 10.00-13.00 цагийн хооронд барилгын материалын үйлдвэрлэл эрхлэгчидтэй уулзалт хэлэлцүүлэг зохион байгуулна.
6. Монгол улсын Шинжлэх ухааны Академи, Удирдлагын академи, Монгол улсын их сургууль, Монголын хотуудын холбоо хамтран “Хотын хөгжил-шинжлэх ухаан технологи” олон улсын бага хурлыг 10.00 цагт Шангрила зочид буудлын 1 давхарт зохион байгуулна.
7. Зам, тээвэр, барилга, хот байгуулалтын сайдын 2009 оны 201 дүгээр тушаалаар батлагдсан "Автотээврийн хэрэгслээр ачаа, зорчигч тээвэрлэх дүрэм"-д өөрчлөлт оруулсан төслийн хэлэлцүүлгийг 11.00 цагаас "Автотээврийн үндэсний төв" ТӨҮГ-ын хурлын танхимд зохион байгуулна.

Энэ өдөр дэлхийн түүхэнд: 

1. Өнөөдөр Хятадын Залуучуудын өдөр тохиож байна.
2. 1979 онд Маргарет Тетчер Их Британийн анхны эмэгтэй ерөнхий сайд болж байжээ.
3. 1929 оны энэ өдөр Английн жүжигчин Одри Хепбёрн мэндэлж байжээ.
4. Мөн 1951 оны энэ өдөр Жэксон гэр бүлийн 2 дахь хүү, "Жэксон 5" хамтлагийн гишүүн Жеки Жексон мэндэлжээ.
5. 2000 онд Лондон хотын анхны даргаар Ken Livingstone томилогджээ.