.jpg)
“Авьяаслаг монголчууд-2016” нэвтрүүлгийн хамгийн хүчтэй өрсөлдөгчдийн нэг нь яах аргагүй Б.Шижирбат байсан билээ.
График анимешн, бүжиг хоёрыг хослуулснаараа онцлог басхүү өвөрмөц түүний хоёр дахь үзүүлбэрийг өдгөө дэлхийн 100 гаруй сая хүн үзээд буй.
Түүгээр ч үл барам дэлхийн алдарт “Mashable” сайт онцолсон нь Б.Шижирбат яах аргагүй дэлхийд танигдсаных нь илрэл.
(1)(1).jpg)
Мөн Нидерландын Бокстел-оос гаралтай, 23 настай Голландын DJ, хөгжмийн продюсер Sammy Renders (Sam Feldt) өөрийн албан ёсны цахим хуудсаараа дамжуулж Б.Шижирбатад хамтран ажиллах санал тавьсан юм.
(1)(1).jpg)
Өнөөдөр "Монгол ТВ"-ийн үүсгэн байгуулагч, “Гацуурт” ХХК-ийн Ерөнхий захирал Л.Чинбат Б.Шижирбатыг АНУ-руу аялж, дэлхийн тэргүүлэх технологийн үзэсгэлэн үзэх эрхээр шагналаа.
Тэрбээр өөрийн цахим хаягтаа “Авьяаслаг Монголчууд нэвтрүүлгийн шилдэг оролцогч Б.Шижирбатынхаа цаашдын ажил хөдөлмөрт өндөр амжилт хүсэж авьяас билгээ улам хөгжүүлэхэд нь бага ч атугай нэмэр болох болов уу гээд АНУ-руу аялж дэлхийн тэргүүлэх технологийн үзэсгэлэн үзэх эрхээр шагнаж урамшууллаа.
Уран чамин үзүүлбэрээрээ биднийг баясган догдлуулсан чамд баярлалаа. Олон сайхан уран бүтээл туурвиж Монголынхоо нэрийг дэлхийд дуурсгаарай миний дүү” хэмээн бичсэн юм.
