12 дугаар сарын 6-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 341 дахь өдөр бөгөөд он дуусахад 25 хоног үлдлээ.
- Цаг агаар өдөртөө -10 хэмийн хүйтэн бол шөнөдөө -20 градус хүйтэн байх нь ээ.
- Билгийн тооллын 7, есөн улаан мэнгэтэй хар нохой өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр бар, морь жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2475.00 төгрөгтэй тэнцэж байгаа бол бусад валют болох рубль 39.10, юань 359.50, вон 2.09 төгрөг байна.
Өнөөдөр болох онцлох үйл явдлууд:
- 10.00 цагаас Кино Урлагийн Дээд Сургууль дээр Монгол Улсын Соёлын гавъяат зүтгэлтэн, поктор, профессор, Содовын Баясгалангийн боловсролын салбарт 60 жил ажилласны "Багшийн алдар" тэмдэглэх, "Эрдмийн өргөөнд нэгэн жаран" эрдэм шинжилгээний бага хурал болно.
- Корпорейт зочид буудлын /МҮХАҮТ/ Улаанбаатар танхимд 08.30-17.30 цагийн хооронд ХХААХҮЯ, Швейцарын хөгжлийн агентлаг, Газрын харилцаа, геодизи, зураг зүйн газар хамтран "Бэлчээр ашиглалтын хариуцлагын тогтолцоог бэхжүүлэх нь" Үндэсний зөвлөгөөнийг зохион байгуулна.
- Берлин хотноо СОЁЛ ЭРДЭНЭ хамтлагийн дуучин, МУГЖ Г.Жаргалсайхан /ТОМ ЖАГАА/, дуучин МУГЖ Бархас нарын уулзалт тоглолт болно.
- Оны тэргүүний залуу эмч, залуу багш, оюутан шалгаруулах ёслолын ажиллагаатай холбоотой хэвлэлийн бага хурал 11.30 цагаас МЗХ-ны 209 тоотод болно.
- 13.00-17.30 хооронд НҮБ-ын байр, 3 давхар, Хурлын танхимд Далайд гарцгүй хөгжиж байгаа орнуудын Олон судалгааны төв Монгол Улсын Үндэсний Статистикийн Хороо болон Япон Улсын Гадаад Худалдааны Байгууллагын Хөгжиж буй эдийн засгийн хүрээлэнтэй хамтран ЖЕТРО, Дэлхийн банк болон АХБ зэрэг байгууллагуудад ашиглагддаг орон зай болон худалдааны зардлыг тооцдог “Газарзүйн тооцооллын загвар”-ыг танилцуулах гэж байна.
- Төрийн ордонд Монгол Улсын Шадар сайдын санаачлагаар зохион байгуулагдаж буй “Мэдлэгээ түгээцгээе: газар хөдлөлтийн гамшгийн эрсдэлийг бууруулахад олон нийтийн оролцоо ба хариуцлага” сэдэвт үндэсний семинар болно.
Энэ өдөр дэлхийн түүхэнд:
- Өнөөдөр Испани улсад Үндсэн хуулийн өдөр тохиож байна.
- 2006 онд НАСА Марс гариг дээр шингэн ус оршин байгааг харуулсан гэрэл зургийг дэлхий нийтэд дэлгэжээ.
- 2015 онд Боливарын Бүгд Найрамдах Венесуэл Улсад улс төрийн сонгууль болжээ. Ингэхдээ 17 жилийн турш анх удаа Венесуэлийн Нэгдсэн Социалист нам ялагдал хүлээсэн байна.
- 1998 онд Венесуэл улсын ерөнхийлөгчөөр Hugo Chбvez сонгогдож байжээ.
- 1947 онд Флорида дахь "Everglades"үндэсний парк нээлтээ хийж байжээ.
