Дэлхийн хамгийн алдартай загварын шоунуудын нэг бол яахын аргагүй “Victoria’s Secret” билээ. Нэр хүнд, чанар санчаагаараа дэлхийд үнэлэгддэг тус шоуг хүн бүр ялангуяа бүсгүйчүүд тэсэн ядан хүлээдэг гэхэд хилсдэхгүй.
Энэ жилийн “Victoria’s Secret” олон олон гэнэтийн бэлгээр дүүрэн Парист өчигдөр нээлтээ хийлээ. Тэдгээр гэнэтийн бэлэгнүүдийн нэг нь яах аргагүй зургаан сартай жирэмсэн, алдарт загвар өмсөгч Ирина Шэйк “Victoria’s Secret”-ийн тайзнаа алхсан явдал байлаа.
Түүнийг энэ жилийн шоунд оролцохгүй байж магадгүй гэх эргэлзээ зарим хүнд байсан юм.
Ирина Шэйкийг өнөө цагийн алдарт хөлбөмбөгчин, “Реал Мадрид” багийн супер од Криштиану Роналдугийн экс найз бүсгүй гэдгээр нь хүмүүс андахгүй.
Өдгөө 30 настай Ирина Шэйк Брэдли Күүпертэй 2015 оноос хойш үерхэж буй. Тэд анхны хүүхдээ өлгийдөн авахаар сэтгэл догдлон, хоног тоолон хүлээж байгаа юм.
