Чойжин ламын сүм музейг сэргээн засварлах ажил 50 хувьд хүрэв
Чойжин ламын сүм музейг сэргээн засварлах ажил 50 хувьтай үргэлжилж байгааг Соёлын яамнаас мэдээлэв. Уг ажлын хүрээнд тус музейн Хаалган, Махранз сүм зэрэг гол байгууламжийг эх төрхөөр нь сэргээн засварлаж буй аж. Ингэхдээ соёлын өвийн хадгалалт, хамгаалалтын шинжлэх ухаан, сэргээн засварлалтын технологийн суурь судалгаанд үндэслэж байгаа гэнэ. Мөн музейн барилгын ур хийц, дүр дүрслэлийн анхны хэлбэр төрхийг алдагдуулахгүйгээр засахаар төлөвлөжээ. Засварын ажлыг ирэх наймдугаар сард багтаан дуусгах гэнэ. Ташрамд дурдахад, Чойжин ламын сүм музейг 300 гаруй уран дархан1904-1908 онд барьж байжээ.
2024-06-11
Хэзээ, хаана болох нь тодорхойгүй тоглолт
Реппер Big Gee бие даасан дөрөв дэх тоглолтоо хийхээр зарлаад байна. “The legacy” нэртэй уг тоглолт хэзээ, хаана, хэдэн цагт болох нь тодорхойгүй. Өөрөөр хэлбэл, товоо зарлаагүй ч тоглолтынхоо тасалбарыг хэдийн борлуулж эхлээд байгаа юм. “Тоглолт хэзээ, хаана болох нь тодорхойгүй ч түүнээс үл хамааран заавал зорин ирэх үнэнч дэмжигчдэдээ зориулсан хамгийн эхний, хамгийн хямд, цөөн тоогоор худалдах тасалбар юм” гэж уран бүтээлч тодотгожээ. Тасалбарынх нь үнэ 80 мянган төгрөг бөгөөд энэ сарыг дуустал борлуулах гэнэ.
2024-06-07
Өмнөговь аймагт сарлагийн баяр зохион байгуулна
“Сайханы сарлаг-2024” баярыг Өмнөговь аймагт орших Говь гурван сайхан уулын Ёлын аманд маргааш зохион байгуулна. Сарлагийн баярын үеэр сарлаг бүрд мөнгөн урамшуулал олгох аж. Гэхдээ тугалд нь олгохгүй гэнэ. Энэ үеэр сарлагийн шилмэл бух, үнээг шалгаруулах нь. Мөн хамгийн сайхан тоноглож, гаршуулсныг нь ч тодруулна. Сарлагийн уралдаан, булгиулах зэрэг тэмцээн зохион байгуулах бөгөөд цагаан идээ, гар урлалын бүтээгдэхүүний үзэсгэлэнг ч баярын хөтөлбөрт багтаажээ. Баярыг зорин ирсэн зочдод зориулан тус аймгийн Хөгжимт жүжгийн театрын уран бүтээлчид тоглолтоо толилуулах нь. Тус аймгийнхан уг баяраа 2014 оноос жил бүр уламжлал болгон зохион байгуулж буй юм.
2024-06-07
Жуулчдад зориулсан тоглолттой
“Хүн” театрынхан жуулчдад зориулсан “Hun totem” үндэсний урлагийн тоглолтоо өчигдрөөс эхлүүллээ. Уг тоглолт энэ зуны 90 хоногийн турш өдөр бүр 17.00 цагт дээрх театрын байранд болох юм. Монголын үндэсний дуу, бүжиг, уран нугаралт, хөөмий гэх зэрэг ардын урлагийн төрлийг багтаасан уг тоглолт нэг цаг үргэлжилнэ. Мөн ардын урлагийг циркийн үзүүлбэрүүдтэй хослуулснаараа онцлогтой юм байна. Манай улсад аялсан жуулчид төдийгүй дотоодын иргэдэд ч үндэсний урлагийнхаа гайхамшгийг мэдрүүлэх, таниулах зорилготой уг тоглолтын тасалбарын үнэ50 мянган төгрөг аж.
2024-06-05
Тогорууны баярыг 11 дэх жилдээ тэмдэглэнэ
“Тогорууны баяр 2024” арга хэмжээг Хэнтий аймгийн Биндэр сумын нутагт орших Цагаан нуурын хөвөөнд энэ бямба гарагт зохион байгуулна. 11 дэх удаагийн эл арга хэмжээ нь Монголд болон дэлхийд ховордож буй цэн тогоруу болон ус намгархаг газрын хамгааллыг нутгийн иргэдтэй хамтран сайжруулах, олон нийтийн мэдлэгийг нэмэгдүүлэх зорилготой. Мөн орон нутаг руу чиглэсэн аялал жуулчлалыг хөгжүүлэх зорилго тавьжээ. Монгол оронд долоон зүйлийн тогоруу нутагладаг. Үүнээс зургаан төрлийн тогоруу нь Хэнтий аймгийн Биндэр сумын нутагт зусаж, намарждаг байна.
2024-06-05
“Ara fest 2024” нэг сар үргэлжлэх нь
Хамгийн урт хугацаанд үргэлжлэх, хамгийн олон хөтөлбөртэй “Ara fest 2024”-ийг ирэх сарын 1-31-нд зохион байгуулахаар болжээ. Тус фестиваль нь Архангай аймгийн Цэцэрлэг хотоос найман км-ийн зайд орших “Ara complex”-т болох юм байна. Энэхүү арга хэмжээг төрийн байгууллагын оролцоогүйгээр хувийн хэвшлийнхэн хамтран зохион байгуулдгаараа онцлогтой.
2024-06-05
Богд хааны ордон музейг сэргээн засах ажлын явц 70 хувьтай байна
Үүнд 2.6 тэрбум төгрөг зарцуулж байгаа гэнэ. Богд хааны ордон музейг үүнээс өмнө 1961-1962 онд сэргээн засварлаж байжээ. Өөрөөр хэлбэл, тус музейд сүүлийн 60 гаруй жилийн турш бүрэн хэмжээний засвар хийгээгүй байж. Сэргээн засварлалтыг Энэтхэг, Өмнөд Солонгос улсын соёлын өв, уран барилга сэргээн засварлалтын мэргэжилтнүүдтэй хамтран зохион байгуулж буй. Уг нь өнгөрсөн онд багтаан дуусгана хэмээж байсан. Богд хааны ордон музейн засварын ажлыг гүйцэтгэж буй “Энэржин” компаниас “Өнгөрсөн онд бороо ихтэйгээс засварын ажлыг удаашруулсан. Энэхүү музей нь энгийн барилга биш тул чимхлүүр ажлууд ихээхэн ордог. Тиймээс хугацаа шаарддаг” гэсэн юм.
2024-06-05
Соёлын өвийн хууль бус хулгайтай тэмцэхэд олон улстай хамтарна
2017-2021 онд түүх, соёлын 52 дурсгалт зүйл алга болсноос 22-ыг л нь эрэн сурвалжилж олжээ. Соёлын биет өвийн эсрэг гэмт хэргийн тоо буураагүй, 2021 онд гурав, 2022 онд ес, 2023 онд 19 бүртгэгдсэн гэнэ. Тиймээс соёлын өвийн хулгайтай тэмцэх, хамгаалах, эрэн сурвалжлах нэгжийг цагдаагийн хэсэгт байгуулжээ. Энэхүү конвенцод манай улс нэгдсэнээр хууль бусаар экспортолсон соёлын өвүүдээ буцаан авах эрх зүйн орчин бүрдэнэ гэдгийг тус төслийн талаар танилцуулахдаа Соёлын сайд Ч.Номин хэлнэ лээ. Байнгын хорооны хуралдаанд оролцсон гишүүдийн олонх хуулийн төслийг хэлэлцэн батлахыг дэмжлээ.
2024-06-05
“Азийн дуу хоолой” пянзыг “Чингис хаан” музейд заллаа
Соёлын гавьяат зүтгэлтэн, шог зураач С.Цогтбаяр “Юнител” компанитай хамтран “Азийн дуу хоолой” хэмээх пянзыг өчигдөр “Чингис хаан” үндэсний музейд хүлээлгэн өглөө. Тэрбээр “Монголын соёлын биет болон биет бус өвийн мөрийг судалж, олон нийтэд мэдээлдэг, заримыг нь эргүүлэн авчирдаг аялалаараа амжилт бүтээл багагүй билээ.
2024-05-31
Наадмын нээлтээр 21 аймгийн онцлогийг харуулна
Үндэсний их баяр наадмыг зохион байгуулах хорооныхон хуралдаж, нээлт, хаалтын ёслолын талаар хэлэлцсэн байна. Их Монгол Улс байгуулагдсаны 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ойн баяр наадмын нээлт, хаалтын ёслолыг “Эх дэлхий, энх оршихуйн цадиг” сэдвээр найруулах гэнэ
2024-05-31
“Намнаа” клубийнхнийг гүйцэх харваач байсангүй
Монголын үндэсний морьт харвааны нэгдсэн холбооны хаврын сорилго тэмцээнд 10 клубийн өсвөр үе, насанд хүрэгчдийн ангилалд 50 тамирчин дөрвөн төрөлд өрсөлдлөө. Өсвөр үеийнхнээс гран при төрөлд “Намнаа” клубийнхнээс Э.Мэргэн, насанд хүрэгчийнхэд Б.Аягаа тэргүүн байр эзэлжээ. Солонгос гурван байны төрөлд “Хан Монгол”-ын харваач Ц.Түвшинбаатар, унгар төрөлд Б.Аягаа (“Намнаа”), саран байн төрөлд Г.Гүнбилэг (“Намнаа”), хятад босоо байныхад Б.Аягаа (“Намнаа”) нар шилдгээр тодров. Дээрх тэмцээний ерөнхий шүүгчээр Б.Оюунбилигт, онооны шүүгчээр М.Амгалан ажиллажээ.
2024-05-30
“Тэнгэрийн хаалга” хамтарсан бүтээлийг онцлов
“Бичиг соёл” төв, Монголын үндэсний номын сан, Монголын урчуудын эвлэлтэй хамтран монгол уран бичлэгийг хойч үедээ өвлүүлэх, түгээн дэлгэрүүлэх, уран бүтээлчдийн шинэлэг санаа, авьяас чадварыг дэмжих зорилгоор “Бичиг соёл” үзэсгэлэнг өчигдөр нээв. 15 жилийн түүхтэй уг үзэсгэлэнд30 гаруй хүний бүтээлийг дэлгэжээ. Уран бүтээлч, багш, оюутан, сурагчдын хамтарсан бүтээлүүдийг анх удаа олон нийтэд танилцуулснаараа энэ удаагийн үзэсгэлэн онцлогтой аж. Танхимын нэг хэсэгт хамтарсан, нөгөө талд нь бие даасан бүтээлийг байршуулжээ.
2024-05-29
“Торгон хэмнэл” үзэсгэлэнг нээв
Зураач, дизайнер Б.Дэлгэрцэцэг бие даасан “Торгон хэмнэл” үзэсгэлэнгээ “Норфей” арт галерейд нээгээд байна. Энэ сарын 31-нийг дуустал үргэлжлэх уг үзэсгэлэнд халуун, хүйтэн батикийн аргаар хийсэн, 100 хувь хүр хорхойн дан нэхээстэй торго, цэвэр нимгэн даавуу, зориулалтын будаг, контур ашигласан бүтээлүүдийг дэлгэжээ. ШУТИС-ийн багш, дэд профессор, доктор тэрбээр үзэсгэлэнгийнхээ нэрийн талаар “Хүн төрөлхтөн торго, даавуу гэх мэт зөөлөн материалтай учраад олон зууныг үдэж, угтсан түүхтэй.
2024-05-29
Тавантолгойн дурсгалт газраас олдсон эд өлгийн зүйлсийг “Чингис хаан” музейд хүлээлгэн өглөө
Тавантолгойн дурсгалт газар дахь хатны булшнаас олдсон эд өлгийн зүйлийг “Чингис хаан” музейд өчигдөр заллаа. Уг дурсгалт газар нь Сүхбаатар аймгийн Онгон сумын нутагт оршдог. МУИС-ийн Археологийн судалгааны төвийн захирал, доктор, дэд профессор Ц.Төрбатаар ахлуулсан багийнхан 2022-2023 онд дээрх булшийг илрүүлжээ. Уг булшнаас илрүүлсэн 26 олдворыг Соёлын өвийн үндэсний төвийнхөн сэргээн засварлаж, тус музейн зургаадугаар давхарт байрлах Монголын их эзэнт улсын танхимд байршуулав.
2024-05-29
“Сэтгэл шингэсэн өнгө” хүндэтгэлийн үзэсгэлэн нээнэ
Монголын урчуудын эвлэлийн шагналт, зураач Л.Гүрсэдийн 80 насны ойд зориулсан “Сэтгэл шингэсэн өнгө” хүндэтгэлийн үзэсгэлэнг маргааш нээнэ. Уг үзэсгэлэнг Уран зургийн галерейд зургаан хоногийн хугацаанд дэлгэж, олон нийтэд толилуулах аж. Түүний “Эхийн хөрөг” бүтээлийг Уран зургийн галерейн сан хөмрөгт хадгалдаг юм байна. Уг бүтээлээс гадна хувийн архив дахь уран зургуудыг нь энэхүү үзэсгэлэнгээр толилуулах гэнэ. Тэрбээр бүтээлдээ монголчуудын ахуй амьдрал, нийгмийн бугшсан асуудлыг түлхүү тусгадаг уран бүтээлч юм. Мөн шог болон хөрөг зураг олныг туурвижээ.
2024-05-27
“Улаанбаатар трэвэл экспо” үзэсгэлэнг 10 дахь удаагаа зохион байгуулав
“Монголд зочлох жил” санаачилгатай холбоотойгоор 10 дахь удаагийн “Улаанбаатар трэвэл экспо”-гийн цар хүрээг өргөжүүлж, зуучлалын компани, зочид буудал, жуулчны баазуудаас гадна мото, авто машин түрээс, аяны хэрэгслийн худалдаа, даатгалын үйлчилгээ эрхлэгч, нислэгийн тийзийн агент, аяллын клубүүд, музей, үзмэрийн газар, цахим платформ хөгжүүлэгчдийг оролцуулсныг зохион байгуулагчид дурдав. Тусгай сонирхлын аяллын хөтөлбөрийг жуулчдад санал болгодог “Терра адвентур турс”, технологид суурилсан нэгдсэн үйлчилгээ үзүүлдэг “Тапатрип”, автомашины аяллын тоноглолоор дагнадаг “Wild land Mongolia” зэрэг шинэлэг, содон үйлчилгээ үзүүлдэг компанийг энэ үеэр үйлчлүүлэгчдэд онцгойлон танилцуулжээ.
2024-05-27
Гадаадад үйл ажиллагаа явуулдаг боловсролын сургалтын төвийг төрөөс дэмжинэ
Гадаад улсад үйл ажиллагаа явуулж буй боловсролын сургалтын байгууллага болон насан туршийн боловсролын байгууллагад төрөөс дэмжлэг үзүүлэх журмыг баталжээ. Үүнд шаардагдах хөрөнгийг 2024 оны төсвийн багцын хүрээнд санхүүжүүлж, цаашид жил бүрийн улсын төсвийн төсөлд тусгах арга хэмжээ авахыг Боловсрол, шинжлэх ухааны сайд Л.Энх-Амгаланд даалгалаа.
2024-05-22
