Хамгийн урт хугацаанд үргэлжлэх, хамгийн олон хөтөлбөртэй “Ara fest 2024”-ийг ирэх сарын 1-31-нд зохион байгуулахаар болжээ. Тус фестиваль нь Архангай аймгийн Цэцэрлэг хотоос найман км-ийн зайд орших “Ara complex”-т болох юм байна. Энэхүү арга хэмжээг төрийн байгууллагын оролцоогүйгээр хувийн хэвшлийнхэн хамтран зохион байгуулдгаараа онцлогтой.
“Ara fest 2024” нь Архангай аймгийг зорих гадаадын болон дотоодын жуулчдын тоог тогтвортой нэмэгдүүлж, эдийн засгийн эргэлтийг сайжруулах, Монгол орны онгон дагшин байгаль, үзэсгэлэнт газруудыг сурталчлан таниулах зорилготой. Хоёр дахь удаагаа зохион байгуулж уг фестиваль нь өмнөх жилийнхээсээ илүү олон сонирхолтой хөтөлбөртэйг зохион байгуулагчид онцоллоо. Тухайлбал, энэ удаагийн фестивальд дуучин Д.Болд, реппер ThunderZ, “Gangbay” хамтлаг зэрэг уран бүтээлч оролцохоо мэдэгдээд буй.
Бэлтгэсэн: У.Сүрэн
