Малайзийн нийслэл Куала Лумпур хотод дөрвөн өдөр үргэжилсэн "Asus Rog Masters" тэмцээний CS:Go төрөлд TheMongolz баг түрүүллээ. Тэд хэсэгтээ Арабын нэгдсэн Эмират болон БНХАУ-ын багийг хожиж, улмаар хасагдах шатанд Австралийн багийг 2:0-ээр "гомдоосон" бол хагас шигшээд Сингапурын "LeapFrog", аваргын төлөө Сингапурын "DreamS." багийг тус бүр хожсоноор 50 мянган ам.долларын шагналын сантай тус тэмцээний аварга болжээ.
Ази тивийн шилдэг багууд оролцдог тус тэмцээнд "The Mongolz" баг Зүүн Азийн багуудаас эрхээ авч орсон юм. Түүнчлэн урилгаар Тайван, Сингапурын хоёр баг оролцсон бол бусад нь шар тивийн төлөөллөөс эрхээ авч оржээ.
"The Mongolz" энэ тэмцээнд түрүүлснээр 23,750 ам.долларын шагнал хүртлээ.
Сонирхуулахад, Дота ангилалд манай улсын хоёр баг оролцсон ч хэсгээсээ шалгарч чадсангүй. Дота ангилалд тэмцээний шагналын сан 150 мянган ам.доллар байлаа.
