Африкаас Шотландын Абердеен хотод газардсан ачаанаас үхлийн аюултай могой гарч ирсэн байна. Баруун Африкаас замдаа гарсан тус каргонд Ногоон мамба хэмээх дэлхийн хамгийн аюултай могой гарч ирж, олныг багагүй сандаргажээ. "Цагаач" могойнд хатгуулал хүн 30 минутад амиа алддаг аж. Сандарсан нутгийн иргэд орон нутгийн цагдаа дуудсан бол цагдаагийнхан амьтан хамгаалах байгууллагын ажилтнууд дуудаж, тусламж хүссэн байна. Улмаар амьтан хамгаалах байгууллагын ажилтнууд уг "цагаач"-ийг аюулгүй саванд хийсэн гэнэ. Ногоон мамба Африкт амьдардаг бөгөөд жижиг шувуу, хархаар голдуу хооллодог, дэлхийн хамгийн хүчтэй хортой, аюултай могойны нэг юм.
