Хан Хэнтийн УТХГ-аас 5 тонн хог цэвэрлэжээ
"Хан Хэнтий" Улсын тусгай хамгаалалттай газар нутгаас 5 тонн хог цэвэрлэжээ. Тодуурбал, энэ сарын 05-07-ны өдрүүдэд Сэлэнгэ аймгийн Мандал сумын нутаг дахь хамгаалалтын захиргааны Чулуут хэсгийн хамт олон Чулуут голоос Өлгийн амны орон нутгийн пост хүртэлх 52 км зайд зам дагуух хог хаягдлыг цэвэрлэж, 4 тонн хогийг Түнхэл тосгоны төвлөрсөн хогийн цэгт буулгасан байна.
2023-05-11
Уур амьсгалын өөрчлөлтийн эсрэг цахилгаан автомашины хэрэглээг нэмэгдүүлнэ
Одоогоор Монгол Улсад бүртгэлтэй нийт автомашины 0,05 хувийг цахилгаан автомашин эзэлдэг ба тодруулбал суудлын 500 гаруй, автобус 100 гаруй байдаг байна. Энэ нь маш бага үзүүлэлт бөгөөд үүнийг нэмэгдүүлж чадвал Улаанбаатар хотын агаар орчны бохирдлыг бууруулахад бодит нөлөөлөл авчрах юм.
2023-05-11
СЭРЭМЖЛҮҮЛЭГ: Шар усны болон уруйн үерээс сэрэмжлүүллээ
Өнөөдрөөс баруун аймгуудад агаарын температур тогтмолжиж, дулаарах тул Алтайн уулархаг нутгаар орсон цас хайлж, их хэмжээний үер буух эрсдэлтэй гэнэ. Иймд цаг уурчид дээрх бүсэд суурьшин амьдарч буй иргэдийг уруйн болон шар усны үерээс сэрэмжлүүлэв. Түүнчлэн хуурайшилтын үе тохиож буйтай холбогдуулан түймрийн аюулаас болгоомжлохыг санууллаа. Увс, Ховдын хойд болон баруун, Булган, Архангайн зүүн, Завханы хойд хэсгээр хуурайшилтын зэрэг аюултай, Дархан-Уул, Хэнтий, Сүхбаатар, Дорнод, Төв аймаг болон нийслэлийн нийт нутгаар дунд түвшинд буй аж. Тиймээс иргэдийг аялж зугаалахдаа, ногоон бүсэд зорчихдоо сонор сэрэмжтэй байхыг анхааруулав.
2023-05-11
Улаанбаатарт 13 хэм дулаан байна
Өнөө, маргаашдаа Алтайн уулархаг нутгаар цас хайлж, шар усны үер буух нөхцөл бүрдэж байгааг анхааруулж байна. Улаанбаатарт өдөртөө 13 хэм дулаан бол шөнөдөө 5 хэм хүйтэн байна.
2023-05-11
Суулгац, үрслэгээ эрэлттэй байна
Паркийн модлог сарнайн үнэ 70 000 төгрөг. Энэ нь гурван метр өндөр ургадаг гэнэ. Түүнчлэн тоор болон давжаа алимны модны суулгац тус бүр нь 45 000, нэрснийх 80 000, үхрийн нүд, тошлойнх 25 000, усан үзмийнх 50 000 төгрөгийн үнэтэй байлаа. Жимсний моднуудаас хамгийн эрэлттэй нь чавга болон лийрийн суулгац гэдгийг борлуулагч аж ахуйн нэгжийнхэн хэлсэн. Худалдан авагчдын тухайд тэдгээр модыг хэрхэн арчлах, сортууд нь ямар ялгаатай зэргийг тодруулж байв.
2023-05-10
ГССҮТ-ийн төгсөгчид гадна талбайдаа мод тарьлаа
ГССҮТ-ийн Эрдэм шинжилгээ сургалтын албаны үндсэн мэргэшлийн сургалтанд 2020-2022 онд хамрагдсан нийт төгсөгчдийн зүгээс төвийн гадна талбайн тохижилт, ногоон байгууламжид хувь нэмрээ оруулан, эмнэлгийн тусламж үйлчилгээ авч буй иргэдэд ая тухтай үйлчлүүлэх боломжийг бүрдүүлэхээр зорьсон байна.
2023-05-10
312 аж ахуйн нэгж, байгууллага мод тарих хүсэлт илгээжээ
“Ногоон хэрэм” төслийн талбайд Ерөнхийлөгчийн Тамгын газар, ЗГХЭГ, ЦУОШГ, БОАЖЯ-ны харьяа Цэнгэг усны нөөц, байгаль хамгаалах төв, Байгаль орчны судалгаа шинжилгээний төв, Ойн газрын алба хаагчид энэ сарын 13-нд мод тарих нь. Харин төрийн бусад байгууллагынхан болон хувь хүмүүс хуваарьт газартаа сонгосон өдөр, цагтаа мод тарих юм байна. Тэдэнд Ойн газрын мэргэжилтнүүд заавар, зөвлөгөө өгөх аж.
2023-05-10
Улаанбаатарт 19 хэм дулаан байна
Маргаашнаас нутгийн баруун хэсгээр дулаарах тул Алтайн уулархаг нутгаар орсон цас хайлж, шар усны үер буух нөхцөл бүрдэж байгааг анхааруулж байна. Улаанбаатарт өдөртөө 19 хэм дулаан бол шөнөдөө 4 хэм дулаан байна.
2023-05-10
Хаваржилт хүндэрсэн сумуудын малчдад улсын нөөцөөс өвс, тэжээл олгохоор болжээ
Ховд аймагт их хэмжээний цас орсны улмаас уулархаг бүс нутгуудаар хаваржилт хүндэрч, малчдад өвс, тэжээл хүргэхээр явсан Дуут сумын дөрвөн иргэн сураггүй болсон талаар өмнөх дугаарт мэдээлсэн билээ. Тэгвэл тус аймгийн Онцгой байдлын газрын аврагчид дуудлага хүлээн авснаас 10 гаруй цагийн дараа буюу уржигдрын 19.15 цагт төөрсөн иргэдийг Цагаан устын эх хэмээх газраас эсэн мэнд олж, анхан шатны тусламжүзүүлэн, сумын Эрүүл мэндийн төвд хүлээлгэн өгчээ. Өчигдөр 12.00 цагийн байдлаар Манхан сумд мөн таван иргэнийг эрэн хайх ажил үргэлжилжбайгааг орон нутгийн байгууллагуудаас мэдээлэв. Тэдний нэг нь сураг тасраад хоёр хоносонаж.
2023-05-09
Самрын бизнес эрхлэгчидтэй "Өглөөний уулзалт" хийж байна
МУ-ын Засгийн газрын Шинэ сэргэлтийн бодлогын хүрээнд БОАЖ-ын Сайд Б.Бат-Эрдэнэ салбарын төлөөлөлтэй долоо хоног бүрийн мягмар, пүрэв гарагт “ӨГЛӨӨНИЙ УУЛЗАЛТ” хийж байна. Өнөөдөр Хуш мод хамгаалал ба монгол самрын үйлдвэрлэгчид болон Самрын холбоодын төлөөлөлтэй уулзаж байна.
2023-05-09
Улаанбаатарт 21 хэм дулаан байна
Өнөө маргаашдаа баруун аймгуудын нутгийн баруун хэсгээр нойтон цас үргэлжлэн орохыг анхааруулж байна. Улаанбаатарт өдөртөө 21, шөнөдөө 8 хэм дулаан байна.
2023-05-09
“Монгол наадам цогцолбор”-т жимсний модны төгөл байгуулна
Монгол Улсын Ерөнхийлөгч У.Хүрэлсүхийн санаачилсан “Тэрбум мод” хөтөлбөрийн хүрээнд НЗДТГ-ын Нийгмийн бодлогын хэлтсийн харьяа байгууллага болон “Монгол наадам цогцолбор” ОНӨТҮГ-ын удирдах ажилтан, албан хаагчид хамтран Хүй долоон худагт мод тарив. Цөлжилтийг бууруулж, ногоон байгууламжийг нэмэгдүүлэх зорилготой уг арга хэмжээнд нийт 30 гаруй удирдах албан тушаалтан оролцож, мод тарилаа.
2023-05-08
Их хэмжээний цас орсноос Дуут сумд гамшгийн нөхцөл бүрджээ
Тус аймгийн ЗДТГ-аас өчигдөр 12.00 цагийн үед “Дуут сумд нөхцөл байдал хамгийн хүнд байна. Замд гарсан дөрвөн хүн цасанд боогдож, холбоогүй болсон. Иргэд сумын төвөөсөө 4-5 км яваад л цасанд боогдож, буцаж байна. Тиймээс туулах чадвар сайтай автомашинаар зам, давааны цасыг цэвэрлэх, иргэд, малчдад эрүүл мэндийн тусламж, үйлчилгээ, өвс тэжээлийн дэмжлэг үзүүлэхээр Онцгой байдлын газраас шуурхай бүлэг ажиллуулж эхэллээ” гэж мэдээлсэн юм.
2023-05-08
Тарьсан модоо бүртгүүлэх боломжтой
“Тэрбум мод” үндэсний хөдөлгөөнийг хэрэгжүүлэгч байгууллагууд хамтран www.terbummod.mn сайт болон “Terbummod” аппликэйшн хэрэглээнд нэвтрүүлжээ. Тус хөдөлгөөний хүрээнд хэрэгжүүлж буй төсөл, хөтөлбөрийг санхүүжүүлэгчид болон төрийн захиргааны байгууллага, аж ахуйн нэгж, иргэд, олон нийтийг мэдээллээр хангах, мөн тэдний оролцоог тэгш, хүртээмжтэй байлгах, модны бүртгэл, тооллогыг үнэн, зөв хийх зорилгоор үүнийг бүтээсэн юм байна. Иргэд, аж ахуйн нэгж, байгууллагууд тарьсан модоо дээрх аппликэйшнд бүртгүүлэх боломжтой гэнэ.
2023-05-05
