“Netflix” компанийнхан Чингис хааны ууган хүү Зүчийн тухай түүхэн кино хийхээр дүрийн сонгон шалгаруулалт зарлажээ. Түүний амьдрал, эрэлхэг зан чанар, эзэнт гүрний түүхэнд гүйцэтгэсэн гавьяаг ийнхүү өргөн дэлгэцнээ олны хүртээл болгох нь. Энэхүү уран бүтээлийг олон улсын хэмжээний чадварлаг найруулагч нар алдартай жүжигчидтэй хамтран бүтээх юм.
“Netflix” компанийнхны үзэгчдийн хүртээл болгох эл уран бүтээл Монголын түүхийг дэлхийд таниулах нэгэн том алхам болж буйгаараа онцлогтой. Мөн нүүдэлчдийн түүх соёлыг дэлхийд танилцуулах боломж бүрдэж, олон улсад монгол өв уламжлалыг сурталчлахад чухал ач холбогдолтой гэнэ. Зүчи хааны тухай өгүүлэх эл уран бүтээлийн жүжигчдийн сонгон шалгаруулалтад монголчууд ч оролцох боломжтой юм байна.
У.СҮРЭН
