Эрүүл мэндийн даатгалын санг ингэж тонодог
Монгол Улсын эмийн зах зээлд олон жил бугласан “идээ бээр” эхнээсээ хагарч байна. Чанаргүй, бүртгэлгүй, хуурамч хэрнээ “хөөсөрсөн” өртөгтэй эм, эмийн бүтээгдэхүүнийг монголчууд хяналтгүй хэрэглэж ирснийг төр засгийн түвшинд анх удаа авч хэлэлцсэн нь “Эмийн сонсгол” байв. Төрөөс эмийн талаар баримтлах бодлогыг манай улс 2014 онд баталснаас хойш найман жилийн дараа хэрэгжилтэд нь аудит оруулахад маш хангалтгүй дүн үзүүлсэн билээ. Үүний дагуу Эмийн үнийн өсөлтийн шалтгаан, нөхцөлийг хянан шалгах түр хороог байгуулжээ. Ингэснээр өнгөрсөн дөрөвдүгээр сард “Эмийн сонсгол” хийх нөхцөл үндсэндээ бүрдсэн гэсэн үг.
2024-09-20
Монголд зөвхөн бордюрын стандарт л гэж бий
“Хүчин төгөлдөр мөрдөж буй стандартын шаардлагын дагуу замын хашлага (бордюр)-ыг шинэчилнэ. Харин ирэх жилээс бордюрыг дахин өндөрлөхгүйгээр шинэ технологиор авто зам барина” гэж нийслэлийн Засаг дарга бөгөөд Улаанбаатар хотын захирагч Х.Нямбаатар хэлсэн юм. Тодруулбал, тэрбээр өнгөрсөн бямба гарагт авто замын засварын компаниудын удирдлагатай уулзах үеэрээ ингэж тайлбарласан билээ. Нийслэлийнхний энэ намрын тренд үг нь “Ваав, бордюр” болоод буй.
2024-09-09
“Чанар муутай барилга ашиглалтад оруулаад хариуцлага хүлээсэн хүн Монголд нэг ч байхгүй”
“Чанар муутай барилга ашиглалтад оруулаад хариуцлага хүлээсэн хүн Монголд нэг ч байхгүй” Нийслэлд өдөр бүр шахам барилга ашиглалтад оруулж байна. “Яасан ч хурдан барьдаг юм. Саяхан л суурийг нь тавьж байсан” гэх үгс иргэдийн дунд амнаас ам дамжин яригддаг болж. Барилгын ажил саадгүй үргэлжилж, олон давхар байшингууд богино хугацаанд сүндэрлэдэг ч тэдгээрийг стандартынх нь дагуу барьсан уу, үнэхээр чанартай юу гэдгийг иргэд тэр бүр мэддэггүй.
2024-08-30
Гүйцэтгэлийн санхүүжилт даатгалын санг “залгиж” байна
Эрүүл мэндийн салбарт санхүүгийн томоохон хямрал нүүрлэж болзошгүйг, тэр дундаа Эрүүл мэндийн даатгалын сан (ЭМДС) дампуурахдаа тулсныг “Өнөөдөр” сонин өмнө нь цуврал нийтлэлээрээ сэрэмжлүүлж байв. Харин өдгөө эл аюул хэдийн нүүрлэжээ. Даатгалын сан сүүлийн дөрвөн жилийн турш орлогоосоо давсан зардалтай (графикт үзүүлэв) ажиллаж ирэв. Тооцоолол, үр ашгийн судалгаагүйгээр эл салбарт нэвтрүүлсэн гүйцэтгэлийн санхүүжилтийн систем нь ЭМДС-гаа цөлмөсөөр, адагт нь “амыг нь барих” боллоо.
2024-08-29
Хүүхдийн эрүүл мэндийг хэдий болтол боловсролын салбарт хариуцуулах вэ
Манай улс ерөнхий боловсролын сургуулиуддаа хоол зүйч ажиллуулахаар хуульчлаад хэдийн тав дахь жилийнхээ нүүрийг үзэж байна. Тодруулбал, 2019 онд баталж, дараа жилээс нь хэрэгжүүлсэн Ерөнхий боловсролын сургуулийн хоол үйлдвэрлэл, үйлчилгээний тухай хуулийн 6.5-д “Сургуульд хоол зүйч, мэргэжлийн тогооч, туслах тогооч ажиллах бөгөөд суралцагчийн тооноос хамаарч бэлтгэгч, угаагч, үйлчлэгч ажиллана” хэмээн заасан юм. Гэвч эл заалтыг өдий хүртэл “амилуулж” чадаагүй бөгөөд сургуулиудад хоол зүйч ажиллуулах нь зүйтэйг холбогдох албаныхан одоо л дөнгөж ойлгож эхлэв. Харамсалтай нь, дээрх хуулийг хэрэгжүүлэхэд шаардлагатай мэргэжилтнүүд манайд бий юү гэдэг нь өдгөө гол асуудал болчихлоо.
2024-08-27
Номын сангуудаа хандив, тусламжаар аргацаасаар байх уу
Аймаг, сумуудад хөшөө нэртэй “цементэн овоолго” босгож, зуу зуун саяар угтах, үдэх хаалга барихын оронд номын сангуудаа өргөжүүлж, сан хөмрөгийг нь баяжуулдаг жишиг тогтооё. Тэгэхгүй бол номын сангууд мэдээлэл, соёл, боловсролын үйлчилгээгээ үзүүлэх, уншигчдын эрэлт хэрэгцээг хангах үндсэн үүргээ биелүүлж чадахгүй, үйлчлүүлэгчдийнхээ хөлд чирэгдэж гүйцэх нь.
2024-08-21
Хүүхдүүд дахиад л будаг нь ханхалсан танхимд хичээллэх нь
Хичээлийн шинэ жил эхлэхэд 11 хоног үлджээ. Сургууль цэцэрлэгийн засварын ажил есдүгээр сарын 1-тэй зэрэгцэж дуусдаг жишиг манайд хэдийн тогтсон. Хичээл эхлэх дөхсөн энэ үед нийслэлийн хэмжээнд сургууль, цэцэрлэгийн засварын ажил хэдэн хувьтай үргэлжилж буй талаар тодруулахыг зорилоо.
2024-08-20
ТҮК-ийнхан хэдий болтол дэрсэн шүүрээ ашиглах вэ
“ТҮК-ийн ажилчид шүүр барьж зогсохоо болино. Ажилчдын шүүрийг том тоос сорогчоор солино” гэж нийслэлийн Засаг дарга Х.Нямбаатар өнгөрсөн дөрөвдүгээр сард мэдэгдэж байлаа. Ингээд төд удалгүй буюу тавдугаар сарын 2-нд нь 20 ширхэг тоос сорогч оруулж ирснээ зарлан, төв талбайд сүртэй гэгч нь байрлуулан, олон нийтэд танилцуулж, бас хог соруулах “сургуулилалт” ч хийсэн. Гэвч энэ нь сонгууль угтсан шоу байсан нь төд удалгүй тодорхой болсон билээ. Тодруулбал, сүр дуулиантай гэгч нь авсан тоос сорогчуудынх нь сураг алдарч, ТҮК-ийн ажилчид өмнөх янзаараа дэрсэн шүүрээ барьж, хотын зам, талбайгаар тоос, шороо татуулсаар байв.
2024-08-14
Хүй долоон худаг хогонд дарагджээ
Үндэсний их баяр наадмын хурдан морины уралдаан, уяачдын баяр, шашин, соёлын уламжлалт “Даншиг” гээд өв соёлын аль томоохон арга хэмжээнүүдийг зохион байгуулдаг Хүй долоон худгийн ногоон хөндийг наадамчин олон хогийн цэг болгож орхижээ. Хажуугаар нь өнгөрсөн, анзаарсан улс “Хүй мандлын дэнжээ хогийн хөндий болгочхож” хэмээн толгой сэгсрэн, шогширч байна
2024-08-14
Төсвийн мөнгөөр олимп үзсэн хүмүүсийн нэрийг ил болгохыг шаардаж байна
“Парис-2024” олимпод манай улсаас 32 тамирчин өрсөлдөж буй атал дагалдан явсан албаны хүмүүсийн тоо түүнээс хоёр дахин олон байгаа талаарх шүүмжлэл гарсан билээ. Гэтэл албаны хүмүүсийн дотор тамирчдын сэтгэл зүйч, хоол зүйчийг багтаагаагүй нь даарин дээр давс нэмэв. Тодруулбал, олимпод өрсөлдсөн тамирчид хоол зүйч, сэтгэл зүйчидтэй цахимаар холбогдон зөвлөгөө авч байснаа ярьжээ
2024-08-09
Урт цагаан автомашины зогсоол болчихлоо
Хотын удирдлага, холбогдох албаныхан олигтой зүйл барьж чадахгүй хэрнээ буулгаж нураахдаа тун сайн гэдгийг илэрхийлэх жишээ нь Урт цагаан билээ. Албан нэрээр бол Чингэлтэй дүүргийн III хороон дахь Нийслэлийн өмчийн III байр, олны нэрлэж заншсанаар Урт цагааны барилгыг өнгөрсөн нэгдүгээр сард “нүд ирмэхийн” зуурт л буулгачихсан юм. “Энэ барилга хотын түүхийн нэг хэсэг учраас буулгаж болохгүй. Учир нь XX зууны Улаанбаатарын бүтээн байгуулалтын үеийн түүхийг өгүүлэх ууган барилгуудын нэг” гэж олон хүн эсэргүүцсэн ч албаныхан нь тоосонгүй, идэр есийн хүйтэн ч гэж халшралгүйгээр долоохон хоногийн дотор газрын хөрснөөс арчиж орхисон.
2024-08-07
Тэрэлжийн зам экстрим уралдааны талбар болжээ
“Go Mongolia” уриан дор эх орноо олон улсад сурталчилж, жуулчдыг татахыг зорьж буй манай улсын зам, дэд бүтцийн нөхцөл байдал ийм байна. Нийслэлд хамгийн ойр аялал жуулчлалын гол бүс нутаг гэгддэг Горхи, Тэрэлжийн байгалийн цогцолборт газар дахь Мэлхий хаданд очих гэж жуулчид ийм энхэл донхол, нүхэн эвдрэлтэй замаар сэгсчүүлэхээс аргагүйд хүрчээ. Ямар сайндаа хөтөч, тайлбарлагч нар нь “Яст мэлхийн хурдаар зүтгүүлсээр Мэлхий хаданд хүрлээ. Ахиж тийшээ жуулчинтай зүглэлтгүй”, “Энэ тамын замаар олон жил зорчиж байна. Нэмээд том, жижиг нийлсэн 20 гаруй “тогоо” үүсчихэж” хэмээн ёжлон, шүүмжилж буй юм.
2024-07-30
Цэцэг бус, хөшөө “суулгаж”, олны нүдийг хуурав
Нийслэл энэ зун бараг л цэцэгт “дарагдсан” гэх мэдээллийг албаныхан өгөх болсон. Тухайлбал, “Улаанбаатар хотод 15 нэр, зүйлийн 1.2 сая цэцэг суулгаад байна” гэж нийслэлийн ЗДТГ-аас мэдээлжээ. Харамсалтай нь, хотын зам, талбай цэцгээр дүүрч, өнгө үзэмж нь төдийлөн сайжирсангүй. 2-3 хүрэхгүй ам метр буюу хэсэгхэн газарт хэдхэн цэцэг суулгасантай хааяа нэг дайралдана. Тэдгээр нь ихэвчлэн хотын төв хэсэгт болон гол замуудын ойр орчимд л харагдах аж. Харин бусад хэсэгт, тэр тусмаа хотын захаар цэцэгт болон ногоон байгууламж нүдний гэм хэвээрээл байна
2024-07-29
Борооны усыг ашигладаггүй, үерийн далан руу асгадаг гэв
Энэ сарын 20-21-нд орсон борооны улмаас нийслэлийн зургаан байршилд их хэмжээний ус тогтжээ. Холбогдох албаныхан тэдгээр байршлаас нийт 14 403 тонн ус соруулсан байна. Зөвхөн Баянгол дүүргийн гуравдугаар хорооны хэмжээнд нийт 120 тонн ус соруулжээ. Тэгвэл соруулан авч буй усыг юунд ашигладаг вэ, эсвэл дахин ашиглахгүй асгадаг уу гэдгийг тодрууллаа
2024-07-24
“East” төвийн газарт цэцэрлэгт хүрээлэн байгуулна гэсэн ч оронд нь 16 давхар барилга барьжээ
Тодруулбал, тус төвийн сууринд өмнө нь “Бат цагаан” гэх шорон байсан бөгөөд тэндэх оронч манлай баатар Ж.Дамдинсүрэнг хорьж байсан гэдгээр нь мэдэх хүн цөөнгүй. Мөн анхны долоогийн нэг болох Д.Бодоо, С.Данзан нарыг ч тэнд хорьж, эрүүдэн шүүж байсан гэдэг. Түүнчлэн 1930-аад онд Д.Нацагдорж, Б.Ринчен, С.Буяннэмэх, Д.Намдаг нарыг хорьж байж. Харин 1950-иад оны сүүлчээр шоронгийн үйл ажиллагааг зогсоож, эмнэлэг болгожээ
2024-07-23
Дунд гол “амьдрах”, эсэхийг хүлээх л үлдсэн үү
Дунд голын бургасыг зөөж, лаг шаврыг нь цэвэрлэх ажлыг өнгөрсөн сарын сүүлчээр эхлүүлсэн. Ингэхдээ голын экосистемийг алдагдуулахгүй гэж холбогдох албаныхан хэлж байв. Харамсалтай нь, Дунд голын бургасыг сугалж хаяснаар ус нь бохирдож, усны шувууд дайжиж, ямар ч урсацгүй, шалбааг болжээ. Үерээс хамгаалах нэрээр голын бургасыг тайрч, лаг шавар болгосонд иргэд ихээхэн бухимдаж, цахим орчинд эсэргүүцлээ илэрхийлсэн юм.
2024-07-17
