Гүйлтийн тэшүүрийн спортын тамирчдаас С.Ганхөвсгөл Олон улсын тэшүүрийн холбооны тэтгэлэгт хөтөлбөрт шалгарч, 2100 ам.долларын дэмжлэг авсан байна. Тэрбээр өнгөрсөн жил зохион байгуулсан дотоод, гадаадын тэмцээнүүдэд оролцсон амжилтынхаа үзүүлэлтээр залуучуудын “Дэлхийн цом”-ын тэмцээнд өрсөлдөх эрхийн болзол хангасан. Тиймээс Монголын тэшүүрийн холбооноос тэтгэлэгт хөтөлбөрт тодорхойлсон юм.
Ташрамд дурдахад, Олон улсын тэшүүрийн холбооны шорт трекийн “Дэлхийн цом”-ын аварга шалгаруулах цуврал зургаан тэмцээнд өрсөлдөх орнуудын тамирчид өөрийн улсын онцлох шинж тэмдгийг агуулсан логотой хувцас өмсөж уралдахаар болсон. Тиймээс “Монголын шорт трекийн үндэсний шигшээ багийнхны өмсөж уралдах хувцсанд ямар лого хэрэглэх вэ” сэдэвт, логоны загвар гаргах уралдаан зарлажээ.
