Ерөнхий боловсролын сургуулийн сурагчдын амралт эхлэх гэж буйтай холбоотойгоор олон улсын хүүхдийн “Найрамдал” төвийнхөн өвлийн ээлжийнхээ хуваарийг гаргажээ. Тус төвийнхөн ирэх сард амрагч хүүхдүүдээ гурван ээлжээр хүлээн авах нь. Эхний ээлжийнхнийг ирэх сарын 11-14-нд буюу гурав хоногийн хугацаанд амраах аж. Үүнд хамрагдах хүсэлтэй хүүхдүүдийг маргааш 14.00 цагт nairamdal.mn цахим хуудсаар бүртгэх гэнэ. Дараагийн ээлжийн буюу ирэх сарын 15-19-нд дөрөв хоног амрах сурагчдыг маргааш 15.00 цагаас мөн цахимаар бүртгэх аж. Гурав дахь ээлжийн хүүхдүүдийг ирэх сарын 22-25-нд хүлээн авах нь. Үүнд сурагчид анги, хамт олноороо хамрагдах боломжтой бөгөөд энэ сарын 19-ний 09.00 цагаас хойш icc@nairamdal.mn цахим хаягаар хүсэлтээ илгээх боломжтой. Дээрх төвд гурав хоног амрах төлбөр нь 175 500, дөрөв хоногийнх нь 229 500 төгрөг юм байна.
М.Оч
