Өнөөдөр гадаа 21 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 25-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 177 дахь өдөр бөгөөд он дуусахад 189 хоног үлдлээ.
- Цаг агаар өдөртөө 21 хэмийн дулаан бол шөнөдөө 12 градус дулаан байх нь ээ.
- Билгийн тооллын 19, Булаагч одтой одтой, цагаан бич өдөр. Өдрийн наран мандах, жаргах цаг нь 4:54-20:55. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, сүм дуганыг сэргээх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал “Сайн нөхөртэй учирах” хэмээх сайн.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- ХЭВЛЭЛИЙН БАГА ХУРАЛ: “Зууны мэдээ” сонины “Үндэсний мэдээллийн төв”-д "Иргэний хөдөлгөөний нам"-аас Засгийн газраа зарлаж байна сэдвээр хэвлэлийн бага хурал зарлаж байна.
- 12:00 цагаас "Үндэсний мэдээллийн төв"-д Монголын шатахуун хэрэглэгчдийн холбооноос: Цаг үеийн асуудлаар мэдээлэл хийнэ.
- 12:30 цагт: МУИС-ийн номын санд Монголын Нотариатчдын танхим болон Германы Нотариатчдын танхимын хамтын ажиллагааны гэрээ сунгах ёслолын үйл ажиллагаа болно.
- Монголын арьсан урлагийн “Хүрэл буга” нийгэмлэгийн уран бүтээлчид Япон Улсад олон улсын арьсан урлагийн үзэсгэлэнд оролцоно.
- МУЭ-ийн гишүүн, МУСТА, Монгол арт галерейн ерөнхий зураач Ц.Оюун-Эрдэнэ “Монгол арт” бие даасан үзэсгэлэнгээ Япон Улсын Ёкохама мужийн Азамино арт галерейд толилуулна.
Энэ өдөр дэлхийн түүхэнд:
- 1935 оны энэ өдөр Парист Олон улсын зохиолчдын холбоо байгуулагджээ.
- 1945 оны энэ өдөр Кремльд болсон Ялалтын баярын жагсаалд оролцогчдын хүлээн авалт дээр Сталин “Оросын ард түмний төлөө” хэмээн хундаганы үг хэлж байв.
- 1950 оны энэ өдөр Солонгосын дайн эхэлжээ.
- 1957 оны энэ өдөр “нисдэг таваг” тоглоом зохион бүтээгдсэн байна.
- 1959 оны энэ өдөр Москвад Америкийн үндэсний үзэсгэлэн нээгдэж, Ричард Никсон, Никита Хрущёв нар цагаан тууз хайчлав.
- 1971 оны энэ өдөр Их Британийн Боловсролын сайд Маргарет Тэтчер бага сургуулийн хүүхдүүдэд сүү үнэгүй өгөхийг зогсоосон талаар мэдээлж байжээ.
- 1975 оны энэ өдөр Мозамбик улс олон жилийн зэвсэгт тэмцлийн дараа тусгаар тогтнолоо зарлав. Тус улсын Ерөнхийлөгчөөр Самора Машел сонгогджээ.
- 1991 оны энэ өдөр Словени, Хорват улсууд Югославаас тусгаар тогтнов.
- 2009 оны энэ өдөр БНХАУ-ын засаг захиргаа “Google”-ийг порно тараадаг гэж буруутгаж, хаажээ.
