Өнөөдөр Улаанбаатар хотод +24 градус дулаан. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 6-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 249 дахь өдөр бөгөөд он дуусахад 118 хоног үлдлээ.
- Цаг агаар өдөртөө 24 хэмийн дулаан бол шөнөдөө 9 градус дулаан байх нь ээ.
- Билгийн тооллын 3, сугар гараг. Тэргүүн дагуул одтой, харагчин тахиа өдөр. Өдрийн наран мандах, жаргах цаг нь 6:17-19:23. Тухайн өдөр үхэр, могой жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лусыг тахих, хагалгаа хийлгэх, буг дарах, газрын ам бооход сайн. Мод суулгах, нарийн зөвлөгөөн хийх, сэтгэлд сэвтэй газар очих, байшингийн суурь тавих, угаал үйлдэхэд муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойд зүгт мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно.
- Валют арилжааны төвд ам.долларын авах ханш 3391.00 төгрөг, зарах нь 3397.00 төгрөг байна. Харин рублийн авах ханш 37.10, зарах ханш 37.50, юанийн авах ханш 478.00, зарах ханш 480.00, вонийн авах ханш 2.63, зарах ханш 2.56 төгрөг байна.
Өнөөдөр болох онцлох үйл явдлууд:
- 08.30 цагт Сэтгэцийн эрүүл мэндийн үндэсний төвөөс Хэвлэл мэдээллийн ажилтнуудад амиа хорлолтын талаарх мэдээллийг хариуцлагатай хүргэх нь сэдэвт өглөөний уулзалт-сургалтыг NCP бюлдингийн 1 давхарт Cosy Club-т зохион байгуулна.
- 09:00 цагт Тогтвортой хөгжлийн хэлэлцүүлэг НҮБ-ын байранд болно.
- 11:00-13:00 цагт Хөрш орнуудын тухай хэвлэл мэдээллээр хэрхэн бичиж байна вэ? хэлэлцүүлэг Хэвлэлийн хүрээлэнд болно.
- 15.00 цагт Халхын голын дайнд Зөвлөлт-Монголын цэргүүд хамтын Ялалт байгуулсны 85 жилийн ойг тохиолдуулан ОХУ-аас 4100 км замыг мориор туулж Монголд ирсэн ОХУ-ын Курганы казакууд Зайсан толгой дахь Зөвлөлтийн дайчдын хөшөөнд цэцэг өргөнө.
Энэ өдөр дэлхийн түүхэнд:
- 1492 онд Кристофер Колумб Канарын арлуудын Ла Гомерагаас Атлантын далайд гарчээ.
- 1914 онд Дэлхийн 1-р дайн: Германы эзэнт гүрний арми Франц руу довтлохыг зогсоох Марнегийн анхны тулаан эхлэв.
- 1915 онд Дэлхийн 1-р дайн: Британийн армид зориулан William Foster & Co.-ийн бүтээсэн танкийн анхны загвар нь дуусч, туршилт хийжээ.
- 1944 онд Дэлхийн 2-р дайн: Бельгийн Ипрес хотыг холбоотны цэргүүд чөлөөлөв.
- 1944 онд Зөвлөлтийн цэргүүд Эстонийн Тарту хотыг эзлэн авав.
- 1976 он Хүйтэн дайн: ЗХУ-ын Агаарын довтолгооноос хамгаалах хүчний нисгэгч Виктор Беленко Микоян-Гуревич МиГ-25 тийрэлтэт сөнөөгч онгоцыг Японы Хакодатэд газардуулж, АНУ-аас улс төрийн орогнол хүсэж, түүний хүсэлтийг хүлээн авч байжээ.
- 2007 онд Израиль Сири дэх цөмийн реакторыг устгах зорилгоор “Орчард” ажиллагаанд агаарын цохилт өгчээ.
- 2022 онд Борис Жонсон Их Британийн Ерөнхий сайдын албан тушаалаасаа огцорч, түүний оронд Лиз Трасс томилогдов.
- 2022 онд Орос-Украины дайн: Украин Харьковын эсрэг довтолгоогоо эхлүүлж, Оросын цэргүүдийг гайхшруулж, 3000 гаруй хавтгай дөрвөлжин км газрыг эргүүлэн авч, ирэх долоо хоногт Оскил голын баруун талд орших Харьков мужийг бүхэлд нь эргүүлэн авч байжээ.
