Өнөөдөр гадаа 22 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Есдүгээр сарын 17-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 260 дахь өдөр бөгөөд он дуусахад 105 хоног үлдлээ.
- Цаг агаар өдөртөө 22 хэмийн дулаан бол шөнөдөө 6 градус дулаан байх нь ээ.
- Билгийн тооллын 14, ангараг гараг. Шувуун хошуут одтой, хөх бич өдөр. Өдрийн наран мандах, жаргах цаг нь 6:32-19:01. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, хараал, жатхыг буцаах, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.
- Валют арилжааны төвд ам.долларын авах ханш 3386.00 төгрөг, зарах нь 3393.00 төгрөг байна. Харин рублийн авах ханш 37.20, зарах ханш 37.60, юанийн авах ханш 478.00, зарах ханш 479.00, вонийн авах ханш 2.54, зарах ханш 2.57 төгрөг байна.
Өнөөдөр болох онцлох үйл явдлууд:
- 9:00 цагт: Монголын бэлчээр ашиглагчдын нэгдсэн холбоо, Европын холбооны хамтран "Ноолуурын өртөгийн сүлжээнд хийсэн шинжилгээ" үйл ажиллагаа Блю Скайд болно.
- 9:00-11:00 цагт: Шуудангийн шинэчлэл дугуй ширээний уулзалт BLue sky зочид буудлын 2 давхрын Jade танхимд болно. Утас: 94999598, 86021029
- 14:30 цагт: Мэдээллийн технологийн үйлдвэрлэлийг дэмжих виртуал бүсийн үйл ажиллагааны журмын хэлэлцүүлэг IT PARK-ийн 211 тоотод болно. Утас: 89891387
- 15:00 цагт: "Зүрхэн тэнгэрийн наран" Outlaw хамтлагийн 20 жилийн ойн тоглолтын хэвлэлийн бага хурал Централ тауэрын 17 давхарт Kryptos лоунжид болно. Утас: 98897969, 89106929
Энэ өдөр дэлхийн түүхэнд:
- 1903 онд сүмогийн 34 дэх ёкозүна Минаногава Тозо мэндэлжээ.
- Мөн 1996 онд БНСУ-ын алдарт хөвгүүдийн хамтлаг GOT7 хамтлагын гишүүн Youngjae(Choi Young-Jae) мэндэлжээ.
- 1988 оны зуны олимп БНСУ-ын Сөүл хотод нээлтээ хийлээ.
- 1983 онд "Америкийн мисс" тэмцээнд анх удаа хар арьстай бүсгүй тэргүүн байр эзэлсэн нь Vanessa Williams байлаа.
