Өнөөдөр гадаа 18 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 13-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 165 дахь өдөр бөгөөд он дуусахад 201 хоног үлдлээ.
- Цаг агаар өдөртөө 18 хэмийн дулаан бол шөнөдөө 5 градус дулаан байх нь ээ.
- Билгийн тооллын 7, Бархасбадь гараг. Бага морь одтой, шар бич өдөр. Өдрийн наран мандах, жаргах цаг нь 4:53-20:52. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, сан тавиулах, угаал үйлдэх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- 10:00 цагт: “Холидэй Инн”-д: “Ногоон барилга, ухаалаг хот” олон улсын семинар уулзалт хэлэлцүүлэг болно.
-
11:00 цагт: ХЭҮК УИХ-ын 2024 оны ээлжит сонгуулийн асуудлаар мэдээлэл хийнэ. Утас: 9902-8438
-
“Чингис хаан” Үндэсний музейд: Япон, Монгол, Хятад улсын технологи соёлын мэргэжилтнүүдийн форум уулзалт болно. Утас: 8097-7999.
Энэ өдөр дэлхийн түүхэнд:
- 313 - Ромын эзэнт гүрнийг хамтран захирагч Аугаа Константин болон Валериус Лициниус нар шашны эрх чөлөө олгох зарлиг буулгажээ.
- 1325 - Алдарт аялагч Ибн Баттута Тангьерээс гарч Меккаг зорьсон аялалдаа гарчээ.
- 1381 - Англид Уат Тайлерээр удирдуулсан тариачдын бослого дэгдэв. Босогчид Савойн ордныг галдан шатаасан байна.
- 1514 - Дэлхийн түүхэнд анх удаагаа 1000 тоннор хэмжигдэх байлдааны хөлөг онгоцыг зохион бүтээв. Уг аварга онгоцыг "Вүүлвич Докярд" компани бүтээжээ.
- 1525 - Шашны зүтгэлтэн Мартин Лютер шашны ариун номлолыг сөрөн зогсож Катарина фон Боратай гэрлэв.
- 1625 - Английн хаан I Чарльз Католик гүнж Хенрьетта Мариатай гэрлэв.
- 1740 - Америкийн нутаг дахь Жиожиагийн колоний захиргач Жеймс Оглеторп Испанийн Флоридаг эзлэх оролдлого бүтэлгүйтжээ.
- 1774 - Британийн хойд америкийн Род Айленд муж боолын импортыг хориглосон анхны нутаг болжээ.
- 1777 - Америкийн хувьсгалын дайн: Францын цэргийн сургагч Гилберт ду Мотьер Эх газрын армийг сургах зорилгоор Өмнөд Каролинагийн Чарльзтон хотод газарджээ.
- 1805 - Луйз болон Кларкын экспедиц: Мериведер Луйз болон дагалдан явсан дөрвөн хүн Миссури голын их хүрхрээг нүдээр үзжээ.
- 1855 - Суут хөгжмийн зохиолч Жузьеппе Вердигийн 12 дахь дуурь "Сицилийн оройн зоог" нэрээр Парис хотын тайзнаа тавигдав.
