Өнөөдөр гадаа 19 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Зургадугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 164 дахь өдөр бөгөөд он дуусахад 202 хоног үлдлээ.
- Цаг агаар өдөртөө 19 хэмийн дулаан бол шөнөдөө 6 градус дулаан байх нь ээ.
- Билгийн тооллын 6, Их морь одтой, улаагчин хонь өдөр. Өдрийн наран мандах, жаргах цаг нь 4:53-20:51. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, хишиг даллага дуудуулах, насан бүтээл хийлгэх, эрдэнийг гадагш өгөх, мал худалдан авах, мал түгээх, сахил санваар авах, огторгуйн үүдийг боох, их хүмүүнтэй уулзахад сайн. Хануур, төөнүүр хийлгэх, балгадын суурь тавих, нохой худалдан авахад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна.
- Валют арилжааны төвд ам.долларын авах ханш 3360.00 төгрөг, зарах нь 3387.00 төгрөг байна. Харин рублийн авах ханш 38.20, зарах ханш 38.80, юанийн авах ханш 463.00, зарах ханш 468.80, вонийн авах ханш 2.26, зарах ханш 2.49 төгрөг байна.
Өнөөдөр болох онцлох үйл явдлууд:
- Монгол Улсын Ерөнхийлөгч У.Хүрэлсүхийн урилгаар Бүгд Найрамдах Ардчилсан Лаос Ард Улсын Ерөнхийлөгч Тонглун Сисүлит энэ сарын 11-12-ны өдрүүдэд Монгол Улсад төрийн айлчлал хийнэ.
- 11.00 цагт МУИС-ийн Номын санд "Солонгос Судлалын Уншлагын танхим"-ыг нээнэ. Нээлтийн үйл ажиллагаанд Бүгд Найрамдах Солонгос Улсаас Монгол Улсад суугаа Онц бөгөөд Бүрэн Эрхт Элчин сайд, БНСУ-ын Үндэсний Номын сангийн захирал, МУИС-ийн ректор, проректорууд болон бусад зочид оролцоно.
Энэ өдөр дэлхийн түүхэнд:
- 1981 - Алдарт "Индиана Жонс" киноны эхний анги кино театруудын дэлгэцнээ гарав.
- 1989 - Хүйтэн дайн: АНУ-ын Ерөнхийлөгч Роналд Рейган Бранденбургийн хаалганы урд "Берлиний хана"-ыг нураахыг ЗХУ-ын удирдагч Михаил Горбачёвт уриалжээ.
- 1990 - Оросын өдөр: ОХУ байгуулагдсанаа албан ёсоор тунхаглав.
- 1991 - ОХУ-д анх удаагаа ардчилсан сонгууль зохион байгуулагдав. Сонгуулийн үр дүнгээр Борис Ельцин Ерөнхийлөгч болсон юм.
- 1997 - Их Британи, Умард Ирландын нэгдсэн хаант улсын хатан хаан II Элизабет Лондон хотноо "Глоб театр"-ыг дахин байгуулах зарлиг буулгажээ.
- 1999 - Косовогийн дайн: НАТО-гийн тэргүүлсэн НҮБ-ын энхийг сахиулах хүчин Холбооны бүгд найрамдах Югослав улсын Косовогийн нутаг дэвсгэрт нэвтрэв.
- 2018 - АНУ-ын Ерөнхийлөгч Доналд Трамп, Умард Солонгосын удирдагч Ким Жон Ун нар Сингапур улсад уулзав. Энэ нь хоёр улсын удирдагчид уулзсан анхны тохиол болж түүхэнд үлдсэн юм.
