Бөхийн барилдааны нэг, хоёрын даваанд хэн хэн өвдөг шороодов
Улс, аймаг, цэрэг, сумын цолтой болон залуу 512 бөх зодоглож буй. Тодорхой хэлбэл, дархан аварга нэг, даян аварга нэг, улсын аварга гурав, арслан долоо, гарди зургаа, заан 14, харцага 21, начин 45 бөх зодоглосон.
2024-07-11
Азарга: 192 хурдан хүлэг бүртгүүлжээ
Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 118, Ардын хувьсгалын 103 жилийн ой Үндэсний их баяр цэнгэл наадмын азарганы уралдаанд 192 хурдан хүлэг бүртгүүлсэн байна.
2024-07-11
Үндэсний их баяр наадмын үүсэл, түүх
2003 онд “Үндэсний их баяр наадам”-ын тухай хуулийг баталж, “Үндэсний их баяр наадам нь Монгол Улсын тусгаар тогтнол, бүрэн эрхт байдлыг бэлгэдсэн үндэсний уламжлалт их баяр мөн” хэмээн тунхаглажээ.
2024-07-11
Төрийн есөн хөлт цагаан тугийг цэнгүүллээ
Тулгар төрийн 2233, Их Монгол Улс байгуулагдсаны 818, Үндэсний эрх чөлөө, Тусгаар тогтнолоо сэргээн мандуулсны 113, Ардын Хувьсгалын 103 жилийн ой, Үндэсний их баяр наадмыг тохиолдуулан Төрийн есөн хөлт Их цагаан тугийг цэнгүүллээ. Их цагаан тугийг Төрийн ордноос жанжин Д.Сүхбаатарын талбайд залж, есөн шарга морьт цэрэг Төрийн ордныг нар зөв гороолон цэнгүүлэх үед Зэвсэгт хүчний үлээвэр найрал хөгжим хүндэтгэлийн ая эгшиглүүллээ.
2024-07-10
Хязаалан: Дундговь аймгийн Эрдэнэдалайн хурд түрүүллээ
Үндэсний их баяр цэнгэл наадмын хурдан хязаалангийн уралдааны бариа ойртоход Дундговь аймгийн Эрдэнэдалай сумын уяач Б.Чинзоригийн хээр түрүүлэв. Уяа сойлгыг тус аймгийн Дэрэн сумын С.Одгэрэл уяач тааруулсан байна.
2024-07-10
Оросын сонгодог бүтээлүүдийн шилдэг дуучнаар А.Отгонболд тодорчээ
Олон улсын дуурийн залуу дуулаачдын III уралдааны шилдгээр Монголын тенор А.Отгонболд тэргүүлжээ. Тус уралдааны шүүгчид түүнийг “Оросын сонгодог бүтээлийг мэргэжлийн өндөр түвшинд дуулсан” хэмээн онцолж, “Оросын сонгодог бүтээлүүдийн шилдэг дуучин”-аар өргөмжилжээ. Тэрбээр сүүлийн гурван жилийн хугацаанд олон улсын дуурийн өндөр чансаатай, томоохон уралдаанд тасралтгүй оролцож буй мэргэжлийн дуурийн дуучин юм.
2024-07-09
“Тэнгэрийн аялгуут морин хуур” үзэсгэлэнг ирэх сарын 2 хүртэл олны хүртээл болгоно
Монголын үндэсний музей Үндэсний их баяр наадмыг тохиолдуулан сан хөмрөгтөө хадгалж буй морин хуур хөгжмийн цуглуулгаасаа дээжлэн “Тэнгэрийн аялгуут морин хуур” түр үзэсгэлэнг ирэх сарын 2-ныг хүртэл үзэгчдийн хүртээл болгож байна. Улс, үндэстэн бүр бахархалт хөгжмийн зэмсэгтэй. Монгол түмнийг, нүүдэлчний ахуй соёлыг морь, морин хуургүйгээр төсөөлөхийн аргагүй гэлцдэг.
2024-07-09
Энэ жилийн наадмын гоёлд зонхилох өнгө нь тоорын ягаан
Ингэхдээ монгол дээлний үндсэн хэв шинжийг ажил хэрэгч хэв маягтай хослуулсан нь сонирхол татна. Цэцгэн хээтэй даашинзыг монгол дээлний загвартай хослуулах нь түгээмэл байна. Хэдэн жилийн өмнө гэхэд шүр, сувдан хатгамалтай “нүсэр” дээлийг онцолдог байлаа. Харин өдгөө шигтгэмэл гоёлыг орхиж, өнгөний зохицлоор загвараа “амилуулсан” харагдана. Энэ жилийн загварын чиг хандлагыг тоор мэт ягаан өнгө илэрхийлнэ хэмээн мэргэжилтнүүд онцолсон. Загвар зохион бүтээгчид ч үүнийг ашиглаж зуныг илэрхийлэх “ялдам” дээлнүүдийг танилцуулаад байна. Цэнхэр, шар, ягаан өнгийг ч түгээмэл хэрэглэжээ. Харин эх биеийн хэсэгт нь цагаан өнгийг ашигласан нь тун ховор. Дээлнийхээ эмжээр хэсэгт л цагаан өнгийг түлхүү оруулж өгчээ.
2024-07-09
“Тунгалаг тамир” романыг франц хэлээр олны хүртээл болгоно
Төрийн хошой шагналт, зохиолч Ч.Лодойдамбын ХХ зууны шилдэг бүтээл “Тунгалаг Тамир” романыг франц хэл рүү орчуулж албан ёсоор борлуулж эхэллээ. Энэ романыг монгол судлаач, докторантур Тифэн Канн орчуулсан байна. Тэрбээр өдгөө Б.Ринченгийн “Үүрийнтуяа”-г франц хэлнээ хөрвүүлэх ажилдаа ханцуй шамлан оржээ.
2024-07-08
Морин хуурын олон улсын VII наадмыг Өмнөговь аймагт зохион байгуулах нь
Морин хуурын олон улсын VII наадмыг энэ сарын 16-23-нд Өмнөговь аймгийн Даланзадгад сумд зохион байгуулна. Эл наадмыг гурван төрлөөр зохиох бөгөөд мэргэжлийн морин хуурч, сонирхогч болон хөгжим урлаач 170 орчим хүн оролцохоор бүртгүүлжээ. “Ковид-2019” цар тахлын улмаас түр завсарласан уг наадмыг энэ жил анх удаа орон нутагт зохион байгуулах гэж буй юм. Түүнчлэн Моринхуурын олон улсын наадмыг цаашид гурван жил тутамд хийхээр болсныг зохион байгуулагчид онцоллоо
2024-07-08
“Playtime 2024” өндөрлөв
“Playtime 2024”-ийг “Earth, music, art, love” уриан дор өнгөрсөн долоо хоногт зохион байгууллаа. 22 дахь удаагийн эл наадмын байршлыг өнөө жил сэлгэж Налайх дүүрэгт болгов. Өнгөрсөн жил үер усны аюулаас үүдэн уг наадмыг нэг хоногийн өмнө дуусгасан. Тиймээс энэ жил байршлаа сэлгэж үерийн эрсдэлгүй бүсэд хийжээ. Дөрөв хоногийн турш үргэлжилсэн эл наадамд нийт 2000 орчим жуулчин, 250 гаруй хамтлаг, уран бүтээлч оролцсон гэнэ.
2024-07-08
Гэр бүлийн кино наадамд “Алдагдсан өдрүүд”-ийг сойжээ
ОХУ-ын Ярослав хотод болж буй Олон улсын гэр бүлийн кино наадмын бүрэн хэмжээний хүүхдийн кино ангилалд манай улсыг төлөөлж “Алдагдсан өдрүүд” өрсөлдөж байна. Уг бүтээлийг Кино урлагийг дэмжих сангийн санхүүжилтээр бүтээж, өнгөрсөн оны хавар үзэгчдэд толилуулсан юм.
2024-07-05
“The night with us” тоглолт ирэх сарын 10-нд болно
“The night with us” тоглолт ирэх сарын 10- нд болно. Эл тоглолтыг“The night” продакшны таван жилийн ойг тохиолдуулан Төв цэнгэлдэх хүрээлэнд зохион байгуулах гэж буй. “Niciton”, “Camerton”, “Гурван охин”, “Номин талст” хамтлагийнхан эл тоглолтод оролцох аж. Тоглолтын ерөнхий найруулагчаар Б.Тамир ажиллах бөгөөд энтертайнмент шоуг үзэгчдэд толилуулах гэнэ. Хамтлагууд өөрсдийн хит уран бүтээлийг сонордуулах юм байна.
2024-07-05
“Соёлын наадам”-ыг 16 дахь жилдээ зохион байгуулах нь
16 дахь жилдээ болох гэж буй эл наадам нь монголчуудын өв соёл, ардын урлагийг олон нийтэд сурталчлан таниулах зорилготой юм. “Соёлын наадам”-ын үеэр Монгол Улсаас ЮНЕСКО-д бүртгүүлсэн соёлын биет бус өвийг сурталчилсан урлагийн тоглолтууд толилуулах гэнэ. Түүнчлэн язгуур урлаг, монгол цай, цагаан идээ, айргийн соёлтой танилцуулж, казах соёлын гэрээр зочлох боломжтойгоороо онцлог аж.
2024-07-05
Монголын баг тамирчдын ёслолын хувцсыг танилцууллаа
Дэлхийн үзэгчдийн хүртээл болох ёслолын хувцсыг төрийн их есөн хөлт цагаан туг, олимпын бамбар, Парисын олимп, нар, сарны дүрслэл, гоо марал зэрэг үндэсний болон олимпын бэлгэдэл болсон үнэ цэн бүхий дүрслэх хэрэглүүрийг алтан утсаар хатгаж урласнаараа онцлог гэнэ. Монголын баг тамирчдын хувцасны үйлдвэрлэгч болон загварыг сонгон шалгаруулахаар 18-60 насны 9 222 иргэн, үндэсний шигшээ багийн 303 хүний дунд санал асуулга явуулж, 17 брэндийг нэрлэжээ. Үүний хүрээнд МҮОХ-ны хамгийн өндөр санал авсан 10 байгууллагатай хамтран ажиллах үйл ажиллагаа өрнүүлснээр дээрх брэнд баг тамирчдын ёслолын, “Mizuno” спортын хувцсыг урлахаар шийдвэрлэсэн юм.
2024-07-04
