Соёлжуулах хөдөлгөөн өрнүүлье
“Бууна аа, эгч ээ”. Хажууд сууж явсан залуу бүсгүй ингэж хэлэв. Бид автобусанд биш, онгоцонд, тэр тусмаа араасаа хоёр дахь эгнээнд сууж явсан юм. Онгоц дөнгөж газардаад, ахмад суудлын бүсээ тайлах зөвшөөрөл өгч, дохиог унтраагаагүй байхад л уралдаж босоод ачаагаа ухаж, чихцэлдэн зогсдог бүдүүлэг монгол зан зарим 20 гаруй насныханд ч уламжлагдчихаж. Уг нь би ч бас бууна. Урд эгнээнийхэн буусны дараа л арын хүмүүсийн ээлж ирнэ, хэн ч түрүүлж гарч чадахгүй. Өнөөх бүсгүйд үүнийг сануулсан ч “Дунд нь ороод зогсчихно” гэсэн тул “зам тавьж” өгөөд буцаж суув. Эцсийн дүнд бид хоёр онгоцноос хамт л бууж байгаа юм. Сошиал сүлжээнд ч, хүмүүсийн дунд ч байнга ярьдаг монголчуудын соёлын хамгийн наад захын нэг хандлага бол энэ.
2023-07-27
Сургууль, цэцэрлэгийн хүртээмжийг нэмэгдүүлнэ
Засгийн газрын 2022 оны “Нийслэлийн цэцэрлэгийн хүртээмжийг сайжруулах зарим арга хэмжээний тухай”, 2023 оны “Ерөнхий боловсролын сургуулийн ачааллыг бууруулах, хүртээмжийг нэмэгдүүлэх талаар авах арга хэмжээний тухай тогтоолын хэрэгжилтийг хангах ажлын хэсгийг Боловсрол, шинжлэх ухааны сайдын тушаалаар байгуулан ажиллаж байна.
2023-07-26
АРАЙ Ч ДЭЭ: Түрийвч нимгэнийх үү, сэтгэл хоосных уу
Энэ үеэр номыг худалдаанд гаргаж буйг зарласны сацуу хэдэн хүнд бэлэглэнэ гэв. Гэтэл тэр сургаар үнэгүй юманд нугасгүйн үлгэр амилах шиг, хүмүүс оволзож гардаг юм байна. Хөтлөгч“Хүмүүс ээ, нэг талаасаа ар араасаа зогсчих” гээд ч нэмэр болсонгүй. “Ёкозүнаг гарын үсэг зурах боломжоор хангаад өгөөрэй” гэсэн чтарж, холдохгүй дайрав. Гадаа ч, байшинд чхалуун байсан болохоор тэр биз ээ, номд гарын үсэг зуруулаад, ноцолдоон дундаас гарч ирэгсдийн хөлс урсаж байлаа.
2023-07-26
Мод ургуулах 434 сургагч багш бэлтгэжээ
“Тэрбум мод” үндэсний хөдөлгөөнийг хэрэгжүүлэх ажлын хүрээнд улсын хэмжээнд 1000 сургагч багш бэлтгэх зорилтыг холбогдох албаныхан тавьжээ. Байгаль орчин, аялал жуулчлалын яам, Ойн газар, ШУА-ийн харьяа Газар зүй, геоэкологийн хүрээлэн, Ботаникийн цэцэрлэгт хүрээлэн зэрэг байгууллага хамтран уг ажлыг гүйцэтгэж буй аж. Үүний хүрээнд одоогоор 10 аймаг, есөн дүүрэгт 434 сургагч багш бэлтгэсэн байна. Сургагч багш нар орон нутгийн ЗДТГ-ынхантай хамтран ажиллах үүрэгтэй. Тухайлбал, бүс нутагтаа мод үржүүлэх газар сонгон, түүнийгээ төлөвлөн, зохион байгуулах аж. Мөн цэцэрлэгжүүлэлт, ногоон байгууламжийн төлөвлөлт, модны зүйл сонгох зэрэг сэдвийн хүрээнд ир гэд, аж ахуйн нэгж, байгууллагуудад зөвлөн тус лах үйлчилгээ үзүүлэх юм.
2023-07-26
Химийн олон улсын олимпиадаас хос хүрэл медаль хүртлээ
Ташрамд дурдахад, өнгөрсөн жил БНХАУ-ын Тянжинь хотод болсон химийн олон улсын 54 дүгээр олимпиадад манай улсаас дөрвөн сурагч оролцож, бүрэн бүрэлдэхүүнээрээ буюу тус бүр хоёр мөнгө, хүрэл медаль авч байв. Мөн Японы Хигашиосака хотноо 2021 онд зохион байгуулсан олимпиадад “Орчлон” сургуулийн сурагч О.Тэмүжин мөнгөн медалийн эзэн болсон билээ.
2023-07-26
“Эх орон-36” хөтөлбөрт 200 хүүхэд хамруулжээ
Тэд эх орон, байгаль дэлхийгээ хайрлах танин мэдэхүй мэдлэг эзэмшинэ. Мөн аливаа саад бэрхшээлийг даван туулах арга ухаанд суралцахаас гадна бусадтай санаа бодлоо чөлөөтэй хуваалцан, багаар ажиллах чадвартай болох гэнэ. Уг арга хэмжээг Батлан хамгаалахын яам, Цагдаагийн ерөнхий газар, нийслэлийн Гэр бүл, хүүхэд залуучуудын хөгжлийн газар, Монголын үндэсний зуслангуудын холбоо, Монголын улаан загалмай нийгэмлэг, Монголын скаутын холбоо зэрэг байгууллага хамтран хэрэгжүүлж буй юм. Хөтөлбөрийн үйл ажиллагааг ЦЕГ-ын харьяа “Сүүж уул” амралтын газар болон Батлан хамгаалах яамны харьяа “Бага баян” энхийн төлөө цогцолборт зохион байгуулж байна.
2023-07-25
Номын сангийн цахим систем нэвтрүүлэх нь
Улсын хэмжээний бүх номын санг хамруулсан нэгдсэн цахим системийг Соёлын яамнаас хөгжүүлж байгаа гэнэ. Одоогоор уг системийг нэвтрүүлэх туршилтын ажлуудыг гүйцэтгэж буй аж. Тухайлбал, системийг хэрэглээнд нэвтрүүлэхийн тулд юуны түрүүнд хүний нөөцийг чадавхжуулах шаардлагатай юм байна. Үүнтэй холбоотойгоор дээрх яамнаас нийтийн номын сангуудын мэдээллийн ажилтан, номын санчдыг үе шаттайгаар сургалтад хамруулж эхэлсэн аж. Өөрөөр хэлбэл, цахим системийг номын сандаа нэвтрүүлэх, ашиглах, түүний дагуу ном, уншигчдыг бүртгэх зэрэг ойлголтыг номын санчдад өгөх богино хэмжээний сургалтууд явуулж байгаа гэнэ.
2023-07-25
Олон улсын физикийн олимпиадын хорооны гишүүнээр монгол багш нар сонгогдлоо
Үүний дараа Олон улсын физикийн олимпиадын албан ёсны хурал болж, Монгол Улсын багийг ахалсан МУИС-ийн багш, доктор, дэд профессор Г.Мөнхбаяр, ШУТИС-ийн багш, доктор, дэд профессор Г.Зоригт нарыг дараа жилийн олимпиад болох хүртэл нэг жилийн хугацаанд гишүүнээр ажиллуулахаар сонгосон байна. Уг хорооны гишүүн нь олон улсын физикийн олимпиадын дүрэмд өөрчлөлт оруулах, санал гаргах эрхтэй. Мөн санал хураалтад улсаа төлөөлөн оролцох эрхтэй юм байна. Түүнчлэн олимпиадын хорооны мэдээ мэдээллийг шуурхай хүлээн авах боломжтойгоороо давуу талтай аж.
2023-07-24
Дайргын гол дагуу 13 тонн хог, хаягдлыг цэвэрлэлээ
”Welcome to Mongolia” арга хэмжээ, БОАЖ-ын Сайдын 02, 04 дүгээр албан даалгавруудын хүрээнд Онги-Таац голын сав газрын захиргаа нь Өвөрхангай аймгийн БОАЖГ, ХХҮГ, Арвайхээр ТҮГ-тай хамтран Дайргын голын дагуу аялагчид ихээр амардаг 12 км газрын хог, хаягдлыг түүж, цэвэрлэв.
2023-07-21
Дэлхийн банкнаас хийсэн судалгаанд монгол улсыг онцлов
"Ковид 19" цар тахлын улмаас дэлхий нийтээр сургуулиуд хаагдаж үүний улмаас боловсролын салбарт асар их хор хохирол учирсан. Сургуулиуд дахин нээгдэж, хэвийн үйл ажиллагаагаа эхлүүлэхэд дэлхийн улс орнууд ямар арга хэмжээ авч, хэрхэн нээсэн талаар 60 улсын туршлагыг судалсан “How to accelerate Student learning: Lessons from 60 countries” шинэ судалгааг Дэлхийн банкнаас танилцууллаа.
2023-07-20
Дани, Итали, Франц, Испанийн зөвлөхүүд дэлхийн киноны салбарын мэдээлэл, сургалт өгнө
“КИНОНЫ НҮҮДЭЛ” хөтөлбөрийн хүрээнд 2023 оны 08 дугаар сарын 01-22-ны өдрүүдэд Австрали, Шинэ Зеаланд, Дани, Итали, Франц, Испани зэрэг дэлхийн киноны салбарын шилдэг 8 зөвлөх, 5 багш нар “Кино зохиол бичих”, “Кино төсөл боловсруулах” сэдвийн хүрээнд дөрвөн долоо хоногийн цахим сургалтыг удирдан явуулах юм.
2023-07-19
Монгол адууны удамшил зүйг судална
МУИС-ийн Археологийн төвийн судлаач, доктор, профессор Ц.Төрбат тэргүүтэй Монголын археологичид Оксфордын болон Боннын их сургууль, Британийн музей, Францын Шинжлэх ухааны судалгааны үндэсний төвтэй хамтран Орхоны хөндийд таван жил хэрэгжүүлэх “Морины хүч” төслөө эхлүүлжээ. Энэ нь Европын судалгааны төв (ERC)-ийн “Хүчин чармайлт” хөтөлбөрийн хүрээнд хэрэгжүүлэх төслөөр шалгарч, 10.4 сая еврогийн санхүүжилт авсан юм байна.
2023-07-04
Англи хэлний хичээлийг ор нэрийн төдий зааж байна
Эх оронч үзэлдээ дийлдсэн хэсэг бүлэг хүмүүс үүнийг “Монголоо алдах” эхлэл хэмээн дургүйлхэж, хэл, соёлынхоо эсрэг үхэр буугаар сум тавьж буйгаас ялгаагүй хэрэг гэж туйлшрах боллоо. Хууль тогтоогчид нь ч иргэдийнхээ туйлшрал, талцалд автсан уу, сонгуулийн жилийн өмнөх болгоомжлолдоо дийлдсэн үү, тус хуулийн хэлэлцүүлгийг хэдэнтээ хойшлуулж, шийрэгнэсээр өнөөдрийг хүрлээ. Эл заалтыг хуулиас хассан тохиолдолд ч англи хэлийг ерөнхий боловсролын сургуулийн сурагчдад гуравдугаар ангиас нь эхлэн заах бодлого, төлөвлөгөөтэй байгаагаа салбарын сайд нь учирна лээ.
2023-06-30
