Бүгд найрамдах Болгар улсын Засгийн газар бакалавр, магистр, докторын хөтөлбөрт суралцуулах сонгон шалгаруулалт зарлажээ. Баклаварт ерөнхий боловсролын сургуулийн 12 дугаар ангид суралцсан төгсөгч, болон магадлан итгэмжлэгдсэн их, дээд сургууль, коллежийн 1, 2 дугаар ангид суралцагч өрсөлдөх эрхтэй. Мөн магистрын хөтөлбөрт суралцах хүсэлт гаргагч нь бакалаврын зэрэгтэй 35 хүртэлх насны, докторын хөтөлбөрт суралцах хүсэлт гаргагч нь магистрын зэрэгтэй, 2-оос доошгүй жил ажилласан ажлын туршлагатай, 45 хүртэлх насны Монгол Улсын иргэн материалаа өгч болох нь ээ. Ингэхдээ өөр улсын Засгийн газрын тэтгэлэгт хамрагдаагүй байх шаардлага тавьжээ.
Суралцах мэргэжлийн чиглэл нь хөдөө аж ахуй, хүнсний инженерчлэл чиглэлээр бакалаврын түвшний сургалтад 3 оюутан, магистрын түвшний сургалтад 4, докторын түвшний сургалтад 1 оюутан авах аж.
Нэр дэвшигчид Болгарын их, дээд сургуулийн жагсаалт, сургуулийн рейтенгийн системтэй http://rvu.mon.bg, https://rvu.nacid.bg/home) болон https://rsvu.mon.bg/rsvu4/#/) холбоосоор, болгар, англи хэлээр танилцан, суралцах сургууль, мэргэжилээ сонгох боломжтой.
Бүртгэлийг наймдугаар сарын 18-ний 17.30 цаг хүртэл цахимаар авах аж. Улмаар горилогч нь https://scholarship.esis.edu.mn/ холбоосоор хандан, хэрэглэгчийн эрх үүсгэн нэвтэрч, цахим өргөдлийг бөглөх, илгээх гарын авлагатай танилцан, өргөдлийг бөглөх шаардлагатай.
