Реппер Rokit Bay нэрээрээ танил болсон О.Баярсайхан ирэх есдүгээр сарын 14-нд “Пуужин Баяраа” тоглолтоороо фэнүүдтэйгээ уулзана. Тэрбээр “Жингүйдсэн пуужин” нэрт дуугаа уржигдар олны хүртээл болгосон юм. Түүнчлэн реппер Rokit Bay тун удахгүй “Odyssey” гэх тав дахь цомгоо гаргах гэж буйгаа зарлажээ.
Тэрбээр бүх дууныхаа үг, аяыг өөрөө зохиодгоороо онцлог нэгэн. Реппер Rokit Bay “Авьяаслаг монголчууд” шоуны шүүгчээр ажиллаж байснаас гадна дэлгэцийн хэд хэдэн бүтээлд туслах болон гол дүрийг бүтээж байсан билээ. Мөн түүний үүсгэн байгуулсан “Beer night” студийнхэн Монголын хамгийн анхны бүрэн хэмжээний анимейшн цуврал болох “Онц дүмд”, “Fraglie” видео тоглоом бүтээсэн.
Бэлтгэсэн У.Сүрэн
