УДЭТ-аас залуу уран бүтээлчдийн ур чадварыг сайжруулах, тэдний санал санаачилгыг дэмжих, бүтээлч сэтгэлгээг нь хөгжүүлэх зорилгоор нэг хүний жүжгийн уралдаан зохион байгууллаа. Уралдаанд эмэгтэй ес, эрэгтэй 12, нийт 21 уран бүтээлч өөрийн зохиол болон сэдэвлэж туурвисан уран бүтээлээрээ өрсөлдсөн юм. Тэдгээрээс Ц.Жаргал сайханы “Тайгын хүрэн”, Т.Анхзулын“Хоосон авдар”, Г.Мишээлийн зохиолоор Г.Ганбатын тоглосон“Мянган лан”, О.Долгорын“Нэг хором”, Т.Хулангийн“Өрөө” бүтээлийг тус театрын урын санд авч, үзэгчдэд хүргэв. Эл уралдаанд “Тайгын хүрэн” бүтээлээр Ц.Жаргалсайхан, “Хоосон авдар”-аараа Т.Анхзул тэргүүн байр эзэлж, шилдэг бүтээлийн батламж гарджээ. Шилдэг бүтээлүүдийг олон улсын нэг хүний жүжгийн уралдаанд оролцуулахаар болсон байна.
Бэлтгэсэн Б.Энхзаяа
