“Мэдрэмжтэй мэдээлье” нэгдлээс маргааш сэтгүүл зүйн ангийн оюутнуудын дунд “Хэвшмэл ойлголтоо халж күүл байя” өдөрлөг зохион байгуулахаар зэхэж байна.
Энэхүү өдөрлөгт Sekstsagaanbogd буюу Б.Гантулга, залуус та бүхэнтэй жендэрийн хэвшмэл ойлголтын талаар өөрийнхөө бодлыг хуваалцана. Мөн энэ үеэр оролцогчдын дунд QUIZ болно. Уралдааны ялагчийг Bestseller номоор мялаах гэнэ.
Улмаар өдөрлөгт ирсэн сэтгүүл зүйн ангийн оюутнуудын дунд 1,5 сая төгрөгийн шагналын сантай “Мэдрэмжтэй мэдээлье” нийгмийн мэдээллийн сүлжээнд зориулсан (Social media) мультимедиа контентын уралдааны зарлах аж.
Энэхүү өдөрлөгт МУИС, МУБИС, Хүмүүнлэгийн ухааны их сургууль, Улаанбаатар Эрдэм их сургууль, СУИС-ийн Радио, телевиз, медиа урлагийн сургууль, Сити болон Отгонтэнгэр их сургуулийн сэтгүүл зүйн тэнхимийн оюутнууд болон бусад сургуулийн оюутан залуус оролцох боломжтой.
