Дэлхийн хөгжмийн урлагийн салбартаа танигдсан LIL PUMP Монголд ирэхээр болжээ. Тодруулбал, XMF "Хуур Music Festival"-ыг наймдугаар сарын 19-нд зохион байгуулахаар болсон. Тэгвэл тус наадмын тайзнаа LIL PUMP гарахаар болсныг өнөөдөр албан ёсоор мэдэгдлээ.
Онцгой хэмнэл, дэггүй зантай реппер “Lil Pump” нь Америкийн Нэгдсэн Улсын алдартай хөгжмийн уран бүтээлч юм. Lil Pump нь 2017 онд бие дааж гаргасан анхны цомгийн “Gucci Gang” дуугаар олонд хурдацтай танигдсан. Энэхүү уран бүтээл нь тухайн оны шилдэг 100 дууны топ 3-т бичигдэж платинум цол хүртэж байсан бөгөөд Youtube сувагт 1.1 тэрбум үзэлт авсан бүтээлтэй. Тус дуучин нь 2017 оноос өнөөг хүртлэх хугацаанд гурван цомог болон сингл дуунууд гаргасан бөгөөд тус уран бүтээлүүдэд нь Diplo, Kanye West, Lil Wayne, French Montana, Lil Yachty, YG, 2 Chainz, Offset, Quavo, Annuel AA зэрэг олон уран бүтээлчидтэй хамтран олон олон хит дуунуудыг гаргасан.
Энэ жилийн XMF Reborn хөгжмийн наадам нь 2022 оны 8-р сарын 19-ний өдөр Төв Цэнгэлдэх Хүрээлэнд өглөө 10:00 цагаас зохион байгуулагдах бөгөөд тасалбарыг www.boxoffice.mn тасалбар захиалгын цоо шинэ цогц онлайн платформоор дамжуулан худалдах аж. 2022 оны 7-р сарын 8-ны өдрөөс эхлэн урьдчилсан тасалбар буюу Early Monkey Ticket 69,000₮ үнэтэй 2022.08.01-ны өдөр хүртэл борлуулагдаж 2022.08.01 ний өдрөөс 2022.08.19-ны өдөр хүртэл GA Ticket буюу энгийн тасалбар 109,000₮ төгрөгийн үнэтэй борлуулагдана.
Энэ жилийн XMF Reborn хөгжмийн наадмын ерөнхий зохион байгуулагчаар Circle Park групп ажиллаж байгаа бөгөөд хамтран зохион байгуулагчаар BRB agency агентлаг зохион байгуулж байна. Энэ жил наадмын зохион байгуулагчдын зүгээс анх удаа Монгол улсдаа дэлхийн хэмжээний од авчирч байгаагаас гадна наадмын зохион байгуулалт, орц гарц, хог хаягдал, үзэгчдийн бие засах өндөр хүчин чадал бүхий шийдэл, experience zone, тайз засал зэрэг наадмыг чанарын өндөр түвшинд хийхээр төлөвлөжээ.
Наадмын үзэгчдийн нэвтрэх насны доод хязгаар одоогоор 16 нас байхаар тогтоод байгаа юм байна.
