Монголын тайз, дэлгэцийн сор болсон авьяастан, Ардын жүжигчин П.Цэрэндагвад Хөдөлмөрийн баатар цол тэмдэг хүртээхээр болжээ.
Тэрбээр 1976 онд УБДС-ийн Кино драмын ангийн жүжигчний мэргэжлээр төгссөнөөс хойш Улсын Драмын Эрдмийн Театрт жүжигчнээр ажиллаж байна. “Хаан түүх” жүжгийн Хаан, “Жамуха” жүжгийн Чингис, “Тамгагүй төр” жүжгийн Эгрэгэ өрлөг, “Хүйтэн сэнтий” жүжгийн Богд хаан, “Атга нөж” жүжгийн Хөхөчү гэх мэт түүхэн жүжгийн дүрүүд болон “Мандухай сэцэн хатан” түүхэн киноны Ибрай тайш зэрэг олон арван жүжиг, кинонд дүр бүтээсэн юм.
Түүнчлэн Ардын жүжигчин Н.Сувдад Хөдөлмөрийн баатар цол, Гавьяат жүжигчин хасар Б.Жаргалсайханд Ардын жүжигчин цол, Г.Амгаланбаатар, Ц.Баясгалан нарт Монгол Улсын гавьяат жүжигчин цол хүртээх Ерөнхийлөгчийн зарлиг гарчээ.
