Цар тахлаас урьдчилан сэргийлэх үйл ажиллагаанд зориулан урлаг соёлын уран бүтээлчид онлайн тоглолт хийж, хандив өргөөд байгаа билээ.Тэгвэл энэ удаа“The Hu” хамтлаг Улсын онцгой комисст хандивлах тоглолтоо өчигдөр хийлээ.
Тоглолтын үеэр 53 сая төгрөг цугларсан ба УОК-д хандивлах аж. Тоглолтын ивээн тэтгэгчээр Мобиком Корпораци, Хаан банк ажиллаж,“Хүрээ энтертайнмент” ХХК-тай хамтран МҮОНРТ –ээр шууд дамжуулсан юм.
“The Hu” хамтлаг Монголынхоо язгуур урлагийг дэлхийд таниулж байгаагаараа бусад хамтлаг, уран бүтээлчдээс онцлог. Тэр ч утгаараа тоглолтын үеэр“Шөөг шөөг”,“Агаар нэгэн буй”,“ Гэрэг”,“Хун ээжийн домог”,“Учиртай гурав”,”Ширэг ширэг”,“Бие биелгээ”, Чонон сүлд”,“Их Чингис хаан”, зэрэг үндэсний сэдэвтэй уран бүтээлүүдээсээ хүргэлээ.
