Урлаг соёлын уран бүтээлчид онлайн тоглолт хийж УОК-д хандив өргөж байгаа билээ. Тэгвэл энэхүү хандивын аянд “The Hu” хамтлаг нэгдэж онлайн тоглолтоо сарын 23 нд хийхээр товложээ.
Тус хамтлагийн Дэлхийг тойрон аялах тоглолтын аялал цар тахлын улмаас хойшилсон тул улс орныхоо эдийн засагт өөрсдийн хувь нэмрийг оруулж, цар тахлаас урьдчилан сэргийлэх ажилд хандив өргөх зорилгоор тус онлайн тоглолтыг зохион байгуулж байгаа аж.
МҮОНРТ-ээр шууд дамжуулах тоглолтын үеэр иргэд хандиваа Хаан банкны дансруу болон Candy дансруу хийх боломжтой бөгөөд тоглолтын хугацаанд цугларсан мөнгийг Улсын Онцгой комиссд хандивлана.
