Өнөөдөр гадаа -11 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
12 дугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 348 дахь өдөр бөгөөд он дуусахад 17 хоног үлдлээ.
- Цаг агаар өдөртөө -11 хэмийн хүйтэн бол шөнөдөө -19 градус хүйтэн байх нь ээ.
- Билгийн тооллын 7, есөн улаан мэнгэтэй цагаан луу өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр хулгана, бич жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2640.00 төгрөгтэй тэнцэж байгаа бол бусад валют болох рубль 40.30, юань 384.00, вон 2.34 төгрөг байна.
Өнөөдөр болох онцлох үйл явдлууд:
- “Гааль-Бизнесийн зөвлөлдөх уулзалт” 10.00 цагт “Чингис Хаан” зочид буудалд зохион байгуулагдана.
- ЮНЕСКО-ийн Монголын үндэсний комисс нь ЮНЕСКО-ийн 2-р зэрэглэлийн төв болох Залуучуудын хөгжил, оролцоог дэмжих олон улсын тулааны урлагийн төвтэй хамтран Зүүн хойд Азийн бүс нутгийн тулааны урлагийн форум болно.
- Хотын алслагдсан дүүргийн, эрсдэл бүлэгт хамаарах буюу сэтгэл зүйн үйлчилгээний хэрэгцээ шаардлага маш өндөр бүсэд байрлах 5 бүрэн дунд сургуульд сэтгэл зүйчийн жишиг өрөөг иж бүрэн тохижуулан ашиглалтад оруулах ёслолын ажиллагаа 9-р дунд сургууль дээр 11.30 минутад болно.
- Дулаан орчин-Хэрэглэгчийн ая тух” сэдэвт хоёр сарын аяны хүрээнд Улаанбаатар хотын төвлөрсөн дулаан хангамжийн хүрээнд дулаан түгээх, дулаанаар зохицуулалттай хангах үйл ажиллагаа эрхэлж буй тусгай зөвшөөрөл эзэмшигч компаниудын 2018-2019 оны халаалтын улирлын оргил ачааллыг хэрхэн даван туулах чиглэлээр уулзалт зөвлөгөөнийг зохион байгуулна.
Энэ өдөр дэлхийн түүхэнд:
- Өнөөдөр Сармагчны эрхийг хамгаалах олон улсын өдөр тохиож байна.
- 1992 оны энэ өдөр Америкийн алдарт "Америкийн шүтээн" шоунаас төрөн гарсан дуучин Tori Kelly мэндэлжээ.
- 1989 онд SHINee хамтлагийн Onew мэндэлжээ.
- 2012 онд Өмнөд Суданы Ньютон хотод "Sandy Hook" ахлах сургуульд 20 настай Adam Lanza гэгч гал нээж, 28 хүний амийг хөнөөсний дотор 6-7 насны 20 хүүхэд байжээ.
