Өнөөдөр гадаа -10 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй
12 дугаар сарын 12-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 347 дахь өдөр бөгөөд он дуусахад 18 хоног үлдлээ.
- Цаг агаар өдөртөө -10 хэмийн хүйтэн бол шөнөдөө -21 градус хүйтэн байх нь ээ.
- Билгийн тооллын 6, нэг цагаан мэнгэтэй шарагчин туулай өдөр. Өнөөдөр үсээ авахуулах буюу засуулбал өнгө зүс сайжрах гэнэ. Энэ өдөр гахай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2640.00 төгрөгтэй тэнцэж байгаа бол бусад валют болох рубль 40.30, юань 384.00, вон 2.33 төгрөг байна.
Өнөөдөр болох онцлох үйл явдлууд:
- ЮНЕСКО-ийн Монголын үндэсний комисс нь ЮНЕСКО-ийн 2-р зэрэглэлийн төв болох Залуучуудын хөгжил, оролцоог дэмжих олон улсын тулааны урлагийн төвтэй хамтран Зүүн хойд Азийн бүс нутгийн тулааны урлагийн форум болно.
- 14.00 цагаас Төрийн ордны Ёслолын танхимд Баянхонгор аймгийн ЗДТГ-ын үйл ажиллагаанд MNS ISO 9001:2016 олон улсын стандарт нэвтрүүлсэн баталгаажуулалтын гэрчилгээг гардуулна.
- ШУА-ийн ээлжит их чуулган СТӨ Шинжлэх ухааны академийн тэргүүлэгчдийн газрын 303 тоотод болно.
- 14.00 цагаас "Байгаль хамгаалалд иргэдийн оролцоо" сэдэвт чуулга уулзалт Блю скай зочид буудлын 1 давхарт Саффайр танхимд эхэлнэ.
- 09.30 цагт Кэмпински Хаан палас зочид буудлын 2 давхарын Алтай хурлын танхимд "Хүнсний ногооны маркетинг, зах зээлийн форум" арга хэмжээ эхэлнэ.
Энэ өдөр дэлхийн түүхэнд:
- 1989 оны энэ өдөр Америкийн алдарт дуучин Taylor Swift мэндэлжээ.
- 2011 онд Белгид Зул сарын супермаркет дотор нэгэн амиа золиослогч 6 хүний амийг хөнөөж, 125 хүнийг шархдуулж байжээ.
- 1951 онд Чикагогийн "WFMT" радио нэвтрүүлгээ цацаж эхэлжээ.
- 1959 онд III Archbishop Makarios Кипр улсын анхны ерөнхийлөгчөөр тодорчээ.
