Өнөөдрийн тухай таны мэдэх ёстой 15 зүйл: БНСУ-д ажиллах иргэдийг сонгон шалгаруулах талаар мэдээлнэ

Өнөөдөр гадаа -5 градусын хүйтэн байна. Таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй

11 дүгээр сарын 15-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 320 дахь өдөр бөгөөд он дуусахад 45 хоног үлдлээ.
2. Цаг агаар өдөртөө -5 хэмийн хүйтэн бол шөнөдөө -14 градус хүйтэн байх нь ээ.
3. Билгийн тооллын 9, нэг цагаан мэнгэтэй хар хулгана өдөр. Өнөөдөр үсээ авахуулах буюу засуулбал өвчин өчүүхэн ирэх гэнэ. Энэ өдөр луу, бич жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2573.00 төгрөгтэй тэнцэж байгаа бол бусад валют болох рубль 38.50, юань 370.20, вон 2.27 төгрөг байна.

Өнөөдөр болох онцлох үйл явдлууд:

1. Нийслэлийн Хүүхэд, гэр бүлийн хөгжлийн газраас Монголын эрэгтэйчүүдийн холбоотой хамтран “Монголын эрэгтэйчүүдийн эрүүл мэнд, бие бялдрын хөгжлийн тулгамдсан асуудал” сэдэвт хэлэлцүүлгийг 14.00-16.00 цагт Нийслэлийн хүүхэд гэр бүлийн хөгжлийн газрын хурлын танхимд зохион байгуулна.
2. MN-Мэдээллийн төвд 11.00 цагаас Өмнөговь аймгийн ИТХ-ын дарга Х.Сугир “Өмнөговь аймгийн Гашуунсухайт боомт болон нүүрс тээвэрлэлтийн өнөөгийн байдал, гэмт хэргийн гаралт” сэдвээр мэдээлэл хийнэ.
   
3. Хавдрын тусламж үйлчилгээ, оношилгоо эмчилгээний технологийн талаар хэлэлцэх "Хавдар судлалын тулгамдсан асуудал-2018" сэдэвт эрдэм шинжилгээний хурал 09.00 цагаас Чингис хааны зочид буудалд болно.
   
4. ШУА-ийн Химийн Хүрээлэнд Байгалийн Нэгдлийн Химийн Лаборатори байгуулагдсны 45 жилийн ойд зориулсан эрдэм шинжилгээний хурал 09.00 цагаас Цэнгэг усны нөөц хамгаалах төвд болно.
5. 10.00 цагт Газар эзэмших эрхийн нээлттэй дуудлага худалдаа Хангарди ордны 14 давхрын хурлын зааланд болно.
   
6. Мэдээллийн технологийн чиглэлээр үйл ажиллагаа явуулдаг БНСУ-ын аж ахуйн нэгжүүдийн аутсорсинг захиалгыг гүйцэтгэх иргэдийг сонгон шалгаруулах нээлттэй ажлын байрны үзэсгэлэн яармаг болох тухай дэлгэрэнгүй мэдээлэл өгөх зорилгоор Нийслэлийн хэвлэл мэдээллийн төвд 11.00 цагаас Хэвлэлийн бага хурал зарлажээ.

Энэ өдөр дэлхийн түүхэнд:

1. 1988 оны энэ өдөр Америк гаралтай Солонгос дуучин Эрик Нам мэндэлжээ.
2. Өнөөдөр Германы Пивоны өдөр тохиож байгаа юм байна.
3. Өнөөдөр Оюутан, сурагчдын олон улсын өдөр тохиож байгаа юм байна.
4. 1986 оны энэ өдөр Португалийн алдарт хөлбөмбөгийн тамирчин Нани мэндэлжээ.
5. 2000 онд Алберто Фүжимори Перу улсын ерөнхийлөгчийн албан тушаалаас огцорч байжээ.