Дэлхийн өнцөг булан бүрт буяны үйл ажиллагаа явуулдаг Соросын сангийн тэргүүн, тэрбумтан Жорж Соросын гэрийн орчимд үл мэдэх этгээд тэсрэг бөмбөг тавьжээ. Түүний гэрийн ажилтан тэсрэг бөмбөгтэй уутыг Бедфорд хот дахь байрны нь гаднах шуудангийн хайрцагнаас олсон байна. Тус ажилтан бөмбөгийг хүний хөлөөс хол газар аваачсныхаа дараа Цагдаагийн газар мэдээлэл өгчээ. Хэргийн газар очсон сапёрчид бөмбөгийг тэсэлсэн байна. Тус нөхцөл байдлын улмаас Жорж Сорос Бедфорд дахь гэртээ очихгүй байгаа гэнэ.
