Шведийн нийслэл Стокгольм хотноо зохиогдож буй Comic-Con наадамд Хүн аалзын хувцсаар гангарсан 547 хүн цуглажээ. “Хүн аалз” тоглоом PlayStation 4 платформ дээр гарсантай холбогдуулан Marvel, Sony дээрх арга хэмжээг хамтран зохион байгуулж буй юм. Гэхдээ уг ажлын цаад зорилго нь хамгийн олон хүн аалз цугларсан амжилтаараа Гиннессийн номонд бүртгүүлэх явдал ажээ. Тиймээс Гиннессийн дээд амжилтыг бүртгэх тусгай хүмүүс тэнд ажиллаж байна.
