Хятадын гар утасны үйлдвэрлэл хүчээ авч, дэлхийн зах зээл дэх байр сууриа улам бэхжүүлж байна. Хамгийн сүүлд гэхэд Huawei компани гар утасны борлуулалтаараа хоёрдугаар байрт дэвшсэн. Тэгвэл энэ байдал улс орнуудын засгийн газрын санааг зовоож байна. Учир нь Хятадын ухаалаг төхөөрөмжүүд нууцаар мэдээлэл дамжуулдаг гэх мэдээлэл нэг бус удаа түгэж ирсэн. Тэгвэл АНУ-ын ерөнхийлөгч Доналд Трамп ZTE, Huawei болон Хятадын бусад компаниудын ухаалаг гар утсыг төрийн албанд ашиглахыг хоёр жилийн хугацаанд хориглох тушаалд гарын үсэг зуржээ.
