Америкийн хоёр жуулчин Португаль улсын нийслэл Лиссабон хотод аялж явахдаа нэгэн барилгын лифтэнд гарцжээ. Тэд лифтний аваарын товчийг дарсан боловч хэн ч ирээгүй байна. Тиймээс Google-ийн аудио хайлтаар Лиссабон хотын цагдаагийн газрын утсыг хайж олоод залгасан байна. Гэтэл Португалийн Лиссабон бус Америкийн Лиссабон хотын шуурхай албаны ажилтан Кэти Ройтой холбогджээ. Хэдий АНУ-ын Мэн мужид байгаа ч гэлээ Рой алс холын орны лифтэнд гарцсан нутаг нэгтнүүддээ тус хүргэж чадсан байна. Тэрбээр португаль хэл мэдэхгүй ч Португалийн цагдаагийн газарт дуудлага өгч чаджээ. Үүний сацуу, цагдаагийнхныг очих хүртэл хоёр жуулчинтай утсаар байнгын холбоотой байсан гэнэ.
Европын томоохон хотуудын нэртэй хотууд АНУ-д хэдэн арваараа байдаг. Тухайлбал, Лиссабон нэртэй хот Америкт 20 байдаг бөгөөд ганц Калифорни мужид гэхэд хоёр байдаг байна. Мөн Москва, Парис, Берлин, Лондонууд хэд хэдээрээ бий.
