Дэлхийд нэр алдар нь түгэж буй шилдэг дижей, хөгжмийн ертөнцийн шинэ үеийн давалгааг төлөөлөгчдийн нэг бол Алан Олав Уокер юм. Уран бүтээлийн нэр нь DJ Walkzz юм. Тэрээр “Faded” дуугаараа нэр алдарт хүрч олон танигдсан билээ. Тэрээр дууны продюсер мөн DJ юм. Уокер 1997 оны 8 сарын 24-нд норвег ээж, англи эцгийн гэрт төрж өссөн бөгөөд Норвеги болон Англи улсын хоёр иргэншилтэй аж.
Тэрээр DJ Mag-ийн топ 100 DJ жагсаалтын 17-р байранд орсон бөгөөд өнгөрсөн жилээс 38 байр дээшилсэн байна. Дижитал эрин үед өссөн Уокер багаасаа л компьютерт дур сонирхолтой байсан нь хожим програмчлал болон график дизайнд сэтгэл татагдаж эхлэхэд нь нөлөөлжээ. Тэрээр анхандаа хөгжмийн мэдлэггүй байсан хэдий ч өөрийн дур сонирхлоороо Youtube дээрх хичээлүүдийг үзэж байгаад бие даан сурсан байна. Уокер 2014 оны 8-р сарын 17-нд "Faded" дуугаа гаргасан бөгөөд гаргасан даруйд нь Youtube дээр 300 сая гаруй хүн үзэж, Soundcloud дээр 79 сая удаа тоглогджээ. Түүний хит дуунууд ар араасаа гаран шуугиулсаар байна. Өдгөө Уокер 10 сая дагагчтай болж, Норвегийн хамгийн шилдэг YouTuber бөгөөд залуусыг байлдан дагуулсан алдарт DJ болжээ.
