4 дүгээр сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 110 дахь өдөр бөгөөд он дуусахад 255 хоног үлдлээ.
- Цаг агаар өдөртөө 12 хэмийн дулаан бол шөнөдөө 2 градус дулаан байх нь ээ. Өдөртөө бороо шивэрнэ.
- Билгийн тооллын 5, дөрвөн ногоон мэнгэтэй хар морь өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2397.00 төгрөгтэй тэнцэж байгаа бол бусад валют болох рубль 42.30, юань 382.40, вон 2.25 төгрөг байна.
Өнөөдөр болох онцлох үйл явдлууд:
- Газар тариалангийн салбарын эрх зүйн баримт бичиг, салбарын олон улсын чиг хандлага, хөдөө аж ахуйн дэвшилтэт технологи, шинжлэх ухааны ололтын талаар агрономичдод мэдээлэл, мэдлэг олгох зорилготой сургалт 11.00 цагт ХХААХҮЯ-ны хурлын танхимд болно.
- 10.00 цагаас Эрүүл мэндийн мэдээллийн санг ашиглах, 2018 оны 1-р ээлжин цэрэг татлагын үед ажиллах эмч нарт сургалт зохион байгуулна.
- 09.30 цагт НИТХ-ын Тэргүүлэгчдийн хуралтай. НОСК орон нутгийн өмчит аж ахуйн тооцоот үйлдвэрийн газрыг өөрчлөн байгуулах тухай, Монгол Наадам цогцолбор ОНӨТҮГ-ын дүрэмд нэмэлт, өөрчлөлт оруулах тухай зэрэг 4 асуудал хэлэлцэнэ.
- Нийслэлийн Засаг дарга С.Батболд 11.30 цагаас Замын цагдаагийн гүүрэн гарц барих төслийн хүрээнд хийгдэх түр замын барилгын ажилтай танилцана. Мөн 12.00 цагаас Яармагийн шинэ гүүр барих, хуучин гүүрийг засварлах барилгын ажлын явцтай танилцана.
- 11.00 цагаас Хан-Уул дүүргийн Жижиг дунд үйлдвэрлэлийг дэмжих төвөөс зохион байгуулж буй хүнс худалдаа үйлчилгээ, үйлдвэрлэлийн чиглэлээр үйл ажиллагаа явуулдаг жижиг дунд бизнес эрхлэгчдийн уулзалт, өдөрлөг болно.
- "Дэлхийн номын өдөр"-ийн нээлт 11.00 цагт Спортын төв ордны өмнөх талбайд болно.
Энэ өдөр дэлхийн түүхэнд:
- 1534 онд Францын нэрт аялагч Жак Картье анхны аялалаараа Канадын зүүн эрэгт хүрэв.
- 1653 онд Их Британийн улстөрийн зүтгэлтэн Оливер Кромуэль тухайн үеийн парламентаа татан буулгажээ.
- 1657 онд Хойд Америкийн Нью Амстердам буюу одоогийн Нью-Йорк хот шашны эрх чөлөөг соёрхон баталжээ.
- 1810 онд Каракасын амбан захирагч Испаниас тусгаар тогтнож байгаагаа зарлажээ.
- 1826 онд Британийн аялагч хошууч Гордон Лейнг одоогийн Нигерийн нутагт нэвтэрсэн анхны европ хүн болжээ.
- 1876 онд Болгар улсад "Дөрөвдүгээр сарын хувьсгал" дэгджээ.
- 1902 онд Нэрт физикч Пьерр болон Мари Кюри нар радын хлоридыг боловсруулав.
- 1918 онд "Улаан Барон" нэрээрээ алдаршсан Германы офицер Манфред фон Рихтофен 79 болон 80 дахь хохирогчоо буудан хороов. Тэрээр дараа өдөр нь холбоотон гүрнүүдийн агаарын довтолгоонд өртөн амиа алсан юм.
- 1946 онд "Үндэстнүүдийн Лиг"-ийг татан буулгаж, Нэгдсэн үндэстний байгууллагыг байгуулжээ.
- 1972 онд Аполло сансрын хөтөлбөрийн хүрээнд сар руу ниссэн "Аполло 16" хөлөг саран дээр амжилттай газарджээ.
- 2013 онд БНХАУ-ын Сычуань мужийн Лүшан аймагт 6.6 магнитудын хүчтэй газар хөдөлж 150 гаруй хүн амиа алдан, 1,500 хүн бэртэж гэмтэв.
