4 дүгээр сарын 18-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 108 дахь өдөр бөгөөд он дуусахад 257 хоног үлдлээ.
- Цаг агаар өдөртөө 19 хэмийн дулаан бол шөнөдөө 1 градус дулаан байх нь ээ.
- Билгийн тооллын 3, зургаан цагаан мэнгэтэй цагаан луу өдөр. Өнөөдөр үсээ авахуулах буюу засуулбал эд мал баялаг төгөлдөр болох гэнэ. Энэ өдөр хулгана, бич жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна
- Манай улсын голлох валют болох ам.долларын ханш 2396.00 төгрөгтэй тэнцэж байгаа бол бусад валют болох рубль 40.00, юань 382.50, вон 2.24 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 12.00 цагаас “Чоно” хамтлагийн “Чоно 2018” тоглолт, цомгийн талаарх мэдээллийг сонирхоорой.
- MN-Мэдээллийн төвд 12.30 цагаас Бөхчүүдийн маргаанаас болж Монгол бөхийн өргөөнд тоглолтоо хийх боломжгүй болсон уран бүтээлчид хэвлэлийн бага хурал зарлалаа.
- "Зууны мэдээ" сонины Үндэсний мэдээллийн төвд 11.00 цагт “Дэлхийн тэнгэр шүтлэгтний нэгдсэн холбоо”-ноос газар шороо, уул ус, байгалийн баялгийг хайрлан хамгаалахын төлөө үйлдэх Монгол зан үйлийн талаар мэдээлэл хийнэ.
- "Зууны мэдээ" сонины Үндэсний мэдээллийн төвд 12.00 цагт Монголын драмын урлагийг шинэ төвшинд гаргах холограмм технологийн шийдлийг ашигласан "ФАУСТ" жүжгийн уран бүтээлчид мэдээлэл хийнэ.
- 09.00-11.30 цагт Хан уул дүүргийн 4 дүгээр хороо Яармаг Сити гарден төслийн барилгын талбайд МХЕГ-аас зарласан" Хөдөлмөрийн аюулгүй байдал 2018" аяны хүрээнд "Хөдөлмөрийн аюулгүй байдлыг хангах, болзошгүй ослоос урьдчилан сэргийлэх, сайн туршлагыг түгээн дэлгэрүүлэх, харилцан туршлага солилцох" үзүүлэх сургалт болно.
- Монгол бөхийн өргөөний өмчлөл болон Монголын үндэсний бөхийн холбооны удирдлага, зохион байгуулалтын маргаантай асуудлаас болж, энэ 04-р сард Монгол бөхийн өргөөнд зохион байгуулагдахаар зарлагдаад байсан бүх тоглолтуудыг цуцласан байна. Иймд дуучин П.Идэржавхлан болон бусад тоглолт, арга хэмжээгээ хийхээр товлосон байсан уран бүтээлчид 14.00 цагаас “Монгол ньюс” мэдээллийн төвд хэвлэлийн хурал хийнэ.
Энэ өдөр дэлхийн түүхэнд:
- 1506 онд Португалийн Католик шашинтнууд еврейчүүдийн эсрэг бөөнөөр хороох ажиллагааг эхлүүлсэн байна.
- 1529 онд Протестант шинэчлэл эхлэв.
- 1677 онд Францын арми Испанийн Камбрай тосгоныг эзлэн авчээ.
- 1770 онд Австралийн дорнод эрэгт хүрсэн Жеймс Күүкийн цолыг нэмж хөлгийн цол олгов.
- 1782 онд АНУ-ын ерөнхийлөгч Жон Адамс Голландад элчин сайдын яам байгуулах хүсэлт илгээж улмаар уг хүсэлтийг хүлээн авчээ. Ингэснээр Америкийн элчин сайдын яам байгуулсан дэлхийн анхны улс болсон юм.
- 1927 онд "Секс" зохиолоос сэдэвлэсэн жүжигт тоглож, үзэгчдийн өмнө садар самуун сурталчилсан гэсэн үндэслэлээр Америкийн жүжигчин Мей Уест арав хоног шоронд хоригджээ.
- 1942 онд Дэлхийн II дайн: Польшид еврей иргэдийн суурьших түр бүсийг байгуулав.
- 1971 онд Их Британийн дарангуйлалд байсан Баруун Африкын Сьерра Леон улс тусгаар тогтнож, Сиака Стивенс ерөнхийлөгч болов.
- 1971 онд ЗХУ дэлхийн хамгийн анхны сансрын станц болох "Салют 1"-г хөөргөжээ.
- 1987 онд Алдарт "Симпсонс" хүүхэлдэйн цуврал анх удаа дэлгэцнээ гарчээ.
- 1999 онд Германы парламент болох Бундестаг нийслэл Берлин хотод байрлахаар болжээ.
