Өнөөдөр гадаа 25 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Долдугаар сарын 02-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 184 дахь өдөр бөгөөд он дуусахад 182 хоног үлдлээ.
- Цаг агаар өдөртөө 27 хэмийн дулаан бол шөнөдөө 14 градус дулаан байх нь ээ.
- Билгийн тооллын 26, Нэгэн эхийн зургаан хөвгүүн одтой, улаагчин туулай өдөр. Өдрийн наран мандах, жаргах цаг нь 4:58-20:55. Тухайн өдөр хонь, гахай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, гарагийг тахих, мал аж ахуйн үйл, удирдлагын суудалд суух, хийморийн дарцаг хатгахад сайн. Газар хагалах, ус булгийн эх малтах, улаа гаргах, хиншүү хярвас гаргах, уул овоо тахихад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн.
- Валют арилжааны төвд ам.долларын авах ханш 3392.00 төгрөг, зарах нь 3397.00 төгрөг байна. Харин рублийн авах ханш 38.00, зарах ханш 38.50, юанийн авах ханш 466.00, зарах ханш 467.00, вонийн авах ханш 2.45, зарах ханш 2.47 төгрөг байна.
Өнөөдөр болох онцлох үйл явдлууд:
- 10.00 цагт Төрийн ордонд: Ес дэх удаагийн УИХ-ын анхдугаар чуулганы нээлтийн хуралдаан болно.
- Монголын Хэвлэлийн Хүрээлэнгийн мэдээллийн төвд:” Иргэний нийгмийн байгууллагад зориулсан хэвлэл мэдээлэл, мэдээллийн суурь боловсрол” сургалт уулзалт болно.
- 11.00 цагт Нээлттэй Нийгэм Форумд: “Шударга сонгуулийн төлөө” иргэний нийгмийн сүлжээнээс УИХ-ын сонгуулийн үр дүнгийн мониторинг танилцуулж мэдээлнэ.
- 12.00 цагт Монгол Улсын Ерөнхийлөгчийн ивээл дор зохион байгуулж буй “Чингис хаан: Монголчууд дэлхийг өөрчилсөн нь” олон улсын үзэсгэлэнгийн нээлт болно. Нээлтэд Монгол Улсын Ерөнхийлөгч У.Хүрэлсүх оролцоно. Үзэсгэлэн 7-р сарын 3-наас олон нийтэд дэлгэгдэнэ. Утас: 9905-1914.
- 12.00 цагт “ЗМ”-ний мэдээллийн төвд: АН-ын дарга Л.Гантөмөр огцорч буй талаар мэдээлнэ. Ингэснээр АН-ын даргын сунгаа эхэлж байгаа талаар Үндэсний жигүүрээс мэдээлэл хийнэ.
Энэ өдөр дэлхийн түүхэнд:
- 1853 - Оросын цэргүүд Туркийн газар нутаг руу дайран орж, Крымын дайн эхэлжээ.
- 1881 - АНУ-ын 2 дахь ерөнхийлөгч Жэймс Гарфийлд Вашингтон хотноо буудуулж шархадсан байна. Тэрээр 9-р сард нас барсан байна.
- 1950 - Солонгосын дайн: АНУ-ын цэрэг Солонгост хүрэлцэн ирэв.
- 1976 - Умард болон Өмнөд Вьетнам 20 жил үргэлжилсэн дайны дараагаар албан ёсоор нэгдэв.
