Эрдмийн театрын 90 жилийн ойд зориулан “Эрдмийн театрын элэгдэшгүй түүх”, “Алтайн тайзны эзэд II” номууд ирэх сард хэвлэгдэх юм байна. Урлагийн ариун сүм оршин байгаа цагт алтан тайзны эздийн дурсамж дурдатгал, түүх хөвөрсөөр, хүн төрөлхтний зүрх сэтгэлд мөнхөд дурсагдан оршсоор байх болно. Тиймээс урлагийн ууган байгууллага УДЭТ-ын түүх, үе үеийн уран бүтээлчдийг бүтээн туурвиж ирсэн гэгээн дурсамжаа бичин, хойч үедээ үлдээхийг УДЭТ-ынхан уриалж байна. Дурсамжийг энэ сарын 17 хүртэлх хугацаанд УДЭТ-ын цахим хаяг руу бичин илгээж болох аж.
